National: PM મોદીના વીડિયો વિવાદ બાદ Metaનો મોટો નિર્ણય, VIP એકાઉન્ટ્સ માટે લાગુ કર્યા નવા નિયમો

પ્રધાનમંત્રી નરેન્દ્ર મોદીના ફેસબુક વીડિયોને અસ્થાયી રૂપે હટાવવાના વિવાદ બાદ Meta એ કડક પગલાં લેતા VIP અકાઉન્ટ્સ માટે નવા નિયમો (પ્રોટોકોલ) લાગુ કરી દીધા છે. IT સચિવ એસ. કૃષ્ણને જણાવ્યું કે મેટાએ આ મામલે સરકારને પત્ર મોકલીને પોતાની ભૂલ બદલ ખેદ વ્યક્ત કર્યો છે.

ઈલેક્ટ્રોનિક્સ અને IT સચિવ એસ. કૃષ્ણને જણાવ્યું કે ૨૮ જુલાઈ પછી વધારાના સુરક્ષા ઉપાયો લાગુ કરવામાં આવ્યા છે. સરકાર હાલમાં કંપની દ્વારા આપવામાં આવેલા સ્પષ્ટતાના પત્રની તપાસ કરી રહી છે.

૧૦ દિવસની અંદર યોજાશે ઉચ્ચસ્તરીય બેઠક

આ મામલાના તકનીકી અને નીતિગત પાસાઓ પર ચર્ચા કરવા માટે આગામી ૭ થી ૧૦ દિવસની અંદર મેટાના ગ્લોબલ અધિકારીઓ અને ભારત સરકાર વચ્ચે એક ઉચ્ચસ્તરીય બેઠક પણ યોજાવાની છે. આ બેઠકમાં નીતિગત મુદ્દાઓ તેમજ સરકાર દ્વારા ઉઠાવવામાં આવેલા પ્રશ્નો પર મેટાના જવાબ પર વિચારણા કરવામાં આવશે.

એએસ. કૃષ્ણને ઉમેર્યું કે, "મેટાએ સરકારને પત્ર લખીને આ ઘટના પર ખેદ વ્યક્ત કર્યો છે અને વીડિયો હટાવવા પાછળના કારણો સ્પષ્ટ કર્યા છે. અમે આગામી ૭-૧૦ દિવસમાં તેમના વૈશ્વિક અધિકારીઓ સાથે મુલાકાત કરીશું."

Meta એ ગણાવી ઓટોમેટેડ ટેકનિકલ ખામી

PM મોદીની ફેસબુક પોસ્ટ ભૂલથી હટી જવા પર મેટાએ માફી માગતા આ ઘટનાને ઓટોમેટેડ સિસ્ટમની ગડબડ ગણાવી હતી. જોકે, ઈલેક્ટ્રોનિક્સ અને માહિતી પ્રોદ્યોગિકી મંત્રાલય (MeitY) આ જવાબથી અસંતુષ્ટ છે અને તેણે વરિષ્ઠ ગ્લોબલ અધિકારીઓને સમન્સ પાઠવ્યા છે. આ વિવાદ વચ્ચે સરકાર મેસેજિંગ પ્લેટફોર્મ્સ પર યુઝરનેમ વ્યવસ્થા શરૂ કરવાના પ્રસ્તાવ પર પણ વિચાર કરી રહી છે.

હૈદરાબાદ પોલીસે Meta ઈન્ડિયા હેડ સામે નોંધ્યો કેસ

હૈદરાબાદ પોલીસે CJP આંદોલન સંબંધિત PM મોદીને નિશાન બનાવતી મોર્ફ્ડ કન્ટેન્ટ (છેડછાડ કરાયેલ કન્ટેન્ટ) ફેલાવવા બદલ કેટલાક ફેસબુક અને ઇન્સ્ટાગ્રામ અકાઉન્ટ્સના ઓપરેટર્સ તેમજ Meta ના ઈન્ડિયા હેડ વિરુદ્ધ બે અલગ-અલગ કેસ દાખલ કર્યા છે.