World: Passengers fell into the sea after the plane crashed, miracle happened and thus the life was saved

Passengers fell into the sea :  અમેરિકાના ફ્લોરિડાના દરિયાકાંઠા નજીક એક વિમાન દુર્ઘટનામાં 11 લોકોનો ચમત્કારિક બચાવ થયો છે. વિમાન સમુદ્રમાં તૂટી પડ્યા બાદ મુસાફરો લગભગ પાંચ કલાક સુધી દરિયાના મધ્યમાં લાઇફ રાફ્ટ પર ફસાયેલા રહ્યા હતા. ભારે અનિશ્ચિતતા અને ખરાબ હવામાન વચ્ચે અંતે અમેરિકી બચાવ દળે તમામ લોકોને સુરક્ષિત બહાર કાઢ્યા હતા.   માહિતી મુજબ, દુર્ઘટનાગ્રસ્ત વિમાન બીચક્રાફ્ટ 300 કિંગ એર ટર્બોપ્રોપ હતું. આ વિમાન બહામાસના ગ્રેટ અબાકો દ્વીપ પરથી ગ્રાન્ડ બહામા આંતરરાષ્ટ્રીય વિમાનમથક તરફ જઈ રહ્યું હતું. ઉડાન દરમિયાન અચાનક વિમાનનું એન્જિન ખરાબ થઈ જતા પાયલોટે સમુદ્રમાં તાત્કાલિક ઉતરાણ કરવાનો નિર્ણય લીધો.           ફ્લોરિડાના વેરો બીચથી અંદાજે 80 કિલોમીટર દૂર સમુદ્રમાં વિમાન ઉતારવામાં આવ્યું હતું. પાયલોટે કોઠાસૂઝ વાપરી વિમાનમાં રહેલા 10  મુસાફરોને સુરક્ષિત રીતે બહાર કાઢ્યા અને બધાને પીળા રંગની લાઇફ રાફ્ટમાં પહોંચાડ્યા. અમારી WhatsApp ચેનલમાં જોડાવા આ લિંક પર ક્લીક કરો https://whatsapp.com/channel/0029VauCUMx6LwHmdrOBwa2 મુસાફરો પાસે બહારની દુનિયા સાથે સંપર્ક સાધવાનું કોઈ સાધન નહોતું. સમુદ્રમાં તોફાની હવામાનની શક્યતા વચ્ચે બધા લોકો તિરપાળ નીચે બેસીને પોતાનો જીવ બચાવવાનો પ્રયાસ કરતા રહ્યા. આ ઘટનામાં ત્રણ લોકોને સામાન્ય ઇજાઓ પહોંચી હતી. વિમાનનું આપાતકાલીન સંકેત સક્રિય થતાં અમેરિકી કોસ્ટ ગાર્ડને ઘટનાની જાણ થઈ. ત્યારબાદ એર ફોર્સ રિઝર્વની બચાવ ટીમને તરત જ કામગીરી માટે મોકલવામાં આવી. બચાવ દળે પહેલા મુસાફરોનું સ્થાન શોધ્યું અને પછી વધારાની લાઇફ રાફ્ટ, ખોરાક અને પાણીવાળું સર્વાઇવલ કિટ નીચે ઉતાર્યું. બાદમાં હેલિકોપ્ટર ટીમે ત્રણથી પાંચ ફૂટ ઊંચી તરંગો વચ્ચે એક પછી એક તમામ લોકોને સુરક્ષિત બહાર કાઢ્યા. બચાવ કામગીરીમાં જોડાયેલા અધિકારીઓએ જણાવ્યું કે આ બચાવ અભિયાન સમય સામેની દોડ સમાન હતું. અમેરિકી વાયુસેનાના અધિકારીઓએ જણાવ્યું કે દરિયામાં વિમાન ઉતાર્યા પછી આટલા બધા લોકોનું સુરક્ષિત બચી જવું ખરેખર ચમત્કાર સમાન છે. હાલમાં તમામ 11 લોકોને સારવાર માટે મેલબોર્ન ઓર્લાન્ડો આંતરરાષ્ટ્રીય વિમાનમથક ખાતે પહોંચાડવામાં આવ્યા છે અને તેમની સ્થિતિ સ્થિર હોવાનું જણાવાયું છે.