National: મોંઘવારીના માર વચ્ચે મોટા રાહતના સમાચાર: કોમર્શિયલ LPG સિલિન્ડરના ભાવમાં મોટો ઘટાડો, જાણો તમારા શહેરના નવા રેટ

નવા મહિનાની શરૂઆત દેશવાસીઓ માટે સારા સમાચાર સાથે થઈ છે. સરકારે ૧૯ કિલોગ્રામ વાળા કોમર્શિયલ એલપીજી (LPG) સિલિન્ડરની કિંમતોમાં મોટો ઘટાડો કર્યો છે. સતત બીજા મહિને કોમર્શિયલ સિલિન્ડરના ભાવ ઘટ્યા છે. જોકે, ૧૪.૨ કિલોગ્રામ વાળા ઘરગથ્થુ (Domestic) એલપીજી સિલિન્ડરના ભાવમાં કોઈ જ ફેરફાર કરવામાં આવ્યો નથી.

મુખ્ય શહેરોમાં કોમર્શિયલ સિલિન્ડરના નવા દરો

ANI અનુસાર, દેશના વિવિધ શહેરોમાં ૧૯ કિલોના કોમર્શિયલ સિલિન્ડરના ભાવમાં નીચા મુજબ ઘટાડો નોંધાયો છે:

• દિલ્હી: ૧૯ કિલોના સિલિન્ડરમાં ૨૦૨ રૂપિયાનો ઘટાડો કરવામાં આવ્યો છે. હવે તે ૨,૯૩૦ રૂપિયાના બદલે ૨,૭૨૮ રૂપિયામાં મળશે.

• કોલકાતા: ભાવમાં ૨૦૯ રૂપિયાનો ઘટાડો થતાં હવે સિલિન્ડર ૨,૮૭૨.૫૦ રૂપિયામાં ઉપલબ્ધ થશે.

• પટના: અહીં કોમર્શિયલ સિલિન્ડરનો રેટ ૨૦૯ રૂપિયા ઘટીને ૩,૦૧૮ રૂપિયા થઈ ગયો છે.

• લખનૌ: અહીં ભાવ ઘટ્યા બાદ સિલિન્ડર ૨,૮૬૦.૫૦ રૂપિયામાં મળશે, જે પહેલા ૩,૦૫૨.૫૦ રૂપિયા હતો.

હોટેલ-રેસ્ટોરન્ટ માલિકોને થશે ફાયદો

ગેસ સિલિન્ડરના ભાવમાં કરાયેલા આ ઘટાડાથી રેસ્ટોરન્ટ, હોટેલ અને ચાની દુકાન ચલાવતા વેપારીઓને મોટો ફાયદો થશે, કારણ કે તેઓ મોટા પાયે કોમર્શિયલ સિલિન્ડરનો ઉપયોગ કરે છે. આ નિર્ણયથી નાના-મોટા બિઝનેસમેનોને પ્રોડક્શન કોસ્ટમાં રાહત મળશે.

ઘરગથ્થુ એલપીજી સિલિન્ડરના ભાવ યથાવત

ઘરગથ્થુ એલપીજી (૧૪.૨ કિલો) સિલિન્ડરની કિંમતોમાં કોઈ ફેરફાર કરાયો નથી અને તે જૂના ભાવે જ મળશે:

• દિલ્હી: ₹૯૪૨

• કોલકાતા: ₹૯૬૮

• મુંબઈ: ₹૯૪૧.૫૦

• ચેન્નઈ: ₹૯૫૭.૫૦