National: PM મોદીનો વીડિયો હટાવવા પર મેટાએ કેન્દ્ર સરકારને લખ્યો પત્ર, આપ્યો સુરક્ષાનો ભરોસો

સોશિયલ મીડિયા કંપની 'મેટા'એ (Meta) બુધવારે કેન્દ્ર સરકારને પત્ર લખીને વડાપ્રધાન નરેન્દ્ર મોદી અને અન્ય પ્રમુખ હસ્તીઓના એકાઉન્ટ પરથી પોસ્ટ કરવામાં આવતી સામગ્રી માટે લાગુ કરાયેલા કડક સુરક્ષા ઉપાયોની વિગતો આપી છે.

વડાપ્રધાન નરેન્દ્ર મોદીની ફેસબુક પોસ્ટને થોડા સમય માટે હટાવી દેવાની ઘટના બાદ આ સ્પષ્ટતા કરવામાં આવી છે. સૂત્રોના જણાવ્યા અનુસાર, મેટાએ સૂચના અને પ્રૌદ્યોગિકી (IT) મંત્રાલયને જાણ કરી છે કે વડાપ્રધાન અને અન્ય અગ્રણી હસ્તીઓના એકાઉન્ટ પરથી પોસ્ટ કરવામાં આવતી સામગ્રી પર વધારાની દેખરેખ રાખવામાં આવશે અને તેનું રિવ્યૂ કંપનીના ઉચ્ચ અધિકારીઓના મલ્ટિ-લેવલ પર કરવામાં આવશે.

આવતા સપ્તાહે અધિકારીઓ સાથે થઈ શકે છે બેઠક

સૂત્રોએ જણાવ્યું હતું કે વડાપ્રધાન મોદીની ફેસબુક પોસ્ટને થોડા સમય માટે હટાવવા સંબંધિત મામલે મેટાની ટીમ આ સપ્તાહે અથવા આવતા સપ્તાહની શરૂઆતમાં સરકારી અધિકારીઓ સાથે મુલાકાત કરી શકે છે. જોકે, આ અંગે મોકલવામાં આવેલા ઇમેઇલનો મેટા તરફથી હજુ સુધી કોઈ જવાબ મળ્યો નથી.

સરકારે મેટાને કર્યા હતા સસમન્સ

મેટા ફેસબુક અને ઇન્સ્ટાગ્રામ જેવા સોશિયલ મીડિયા પ્લેટફોર્મનું સંચાલન કરે છે. સરકારે પીએમ મોદીની એક ફેસબુક પોસ્ટને થોડીવાર માટે હટાવી દેવાના મામલામાં મંગળવારે મેટાના એક ટોચના એક્ઝિક્યુટિવ અધિકારીને સમન્સ પાઠવ્યા હતા.

પીએમ મોદીએ ૨૩ જુલાઈની પોતાની પોસ્ટમાં યુવાનોને સંબોધિત કરતા પેપર લીક સામે કડક કાર્યવાહી કરવાની ખાતરી આપી હતી. જોકે, અમેરિકા સ્થિત આ સોશિયલ મીડિયા કંપનીએ તેને ટેકનિકલ ખામી ગણાવીને માફી માંગી હતી, પરંતુ આઈટી મંત્રાલયે આ સ્પષ્ટતાને અપૂરતી ગણાવી હતી.