Lifestyle: બાળકોના લંચ બોક્સમાં સામેલ કરો 3 રંગના શાકભાજી અને પ્રોટીન, ટિફિન હંમેશા આવશે ખાલી

દરેક માતા-પિતા પોતાના બાળકો માટે એવું લંચ બોક્સ (Lunch Box) પેક કરવા માંગે છે જે બજેટમાં હોય, સવારે ઝડપથી બની જાય અને બાળકો પણ તેને ખુશી-ખુશી પૂરું કરી લે. બાળક પોતાના દિવસના ભોજનનો ત્રીજો ભાગ સ્કૂલમાં લે છે, તેથી તેમના ટિફિનમાં શું જઈ રહ્યું છે તેનું ધ્યાન રાખવું ખૂબ જ જરૂરી છે. ચાલો જાણીએ કે બાળકોનું લંચ બોક્સ હેલ્ધી અને ટેસ્ટી કેવી રીતે બનાવી શકાય.

ટિફિનમાં આ રીતે રાખો પોષણનું બેલેન્સ

બાળકોના લંચ બોક્સમાં નીચે મુજબની વસ્તુઓનું સંતુલન હોવું અનિવાર્ય છે:

• આખા અનાજ (Whole Grains): ફાઈબરથી ભરપૂર રોટલી, પરાઠા કે બ્રાઉન રાઈસ.

• પ્રોટીન: પનીર, કઠોળ, ચણા કે સોયાબીન.

• ફળો અને શાકભાજી: વિટામિન્સ માટે ટિફિનમાં અલગ-અલગ ૩ રંગના શાકભાજી કે સીઝનલ ફ્રૂટ્સ.

• ડેરી પ્રોડક્ટ્સ: કેલ્શિયમ માટે દહીં, છાશ અથવા ચીઝ ક્યુબ્સ.

ભૂલથી પણ આ વસ્તુઓ પેક ન કરો

• બટાકાની ચિપ્સ, કુરકુરે કે અન્ય પ્રોસેસ્ડ ફૂડ.

• મેંદામાંથી બનેલી અને ઓછું ફાઈબર ધરાવતી વસ્તુઓ.

• વધુ પડતું મીઠું (સોલ્ટ) કે આર્ટિફિશિયલ શુગર વાળી ગળી વસ્તુઓ.

લંચ બોક્સને સ્માર્ટ અને આકર્ષક બનાવવાની ૫ બેસ્ટ ટ્રિક્સ

• લેફ્ટઓવર (વધેલી રસોઈ) નો સ્માર્ટ ઉપયોગ: જો રાત્રે કોઈ શાક કે દાળ વધી હોય, તો સવારે તેને થોડી અલગ સ્ટાઈલમાં રોલ કે સેન્ડવીચ બનાવીને પેક કરી દો. આનાથી બાળકોને નવો ટેસ્ટ મળશે અને અન્નનો બગાડ પણ અટકશે.

• હોમમેઇડ બેકિંગ સ્કીલ: તમે વીકેન્ડ પર બનાના બ્રેડ અથવા હોલ ગ્રેન કૂકીઝ ઘરે જ બેક કરીને રાખી શકો છો, જે આખું અઠવાડિયું હેલ્ધી સ્નેક્સ તરીકે કામ આવશે.

• બેન્ટો બોક્સ (Bento Box) નો ઉપયોગ: ત્રણ-ચાર ખાના વાળા ટિફિન બોક્સનો ઉપયોગ કરો. આનાથી તમે બાળકના ખોરાકનું પ્રમાણ (Portion Control) નક્કી કરી શકશો અને તેને અલગ-અલગ વેરાયટી ખાવાની આદત પડશે.

• અલગ-અલગ ફૂડ થીમ ટ્રાય કરો: બાળકો રોજ એકનું એક વણસેલું શાક-રોટલી ખાઈને કંટાળી જાય છે, તેથી ટિફિનમાં થીમ બેઝ્ડ ફૂડ આપો:

  • મેક્સિકન થીમ: રાઈસ સાથે બીન્સ અને હોમમેઇડ ટોમેટો સાલ્સા.

  • ચાઈનીઝ થીમ: પુષ્કળ શાકભાજી નાખીને બનાવેલા હેલ્ધી નૂડલ્સ કે રાઈસ.

  • ઇટાલિયન થીમ: રોટલી કે હોલ વ્હીટ બ્રેડ બેઝ પર મનપસંદ શાકભાજી અને ચીઝ નાખીને બનાવેલો હોમમેઇડ પિઝા.

• નાના બાળકો માટે ખાસ કૂકી કટર: જો બાળક બહુ નાનું હોય અને ખાવામાં નખરાં કરતું હોય, તો ફળો અથવા પરાઠાને સામાન્ય આકારમાં આપવાને બદલે અલગ-અલગ શેપના કૂકી કટરથી સ્ટાર, હાર્ટ કે એનિમલ શેપમાં કાપીને આપો. આ જોઈને બાળકો આકર્ષાશે અને ટિફિન પૂરું કરીને જ ઘરે આવશે.