Lifestyle: ખરતા અને પાતળા વાળથી છો પરેશાન? એરંડિયાના તેલમાં મિક્સ કરીને લગાવો આ તેલ, ઝડપથી થશે હેર ગ્રોથ

ઘાટા, લાંબા અને મજબૂત વાળ દરેક વ્યક્તિની ઈચ્છા હોય છે. આ માટે નેચરલ ઓઈલ્સનો ઉપયોગ સૌથી સુરક્ષિત અને અસરકારક ઉપાય માનવામાં આવે છે. આવા સમયે કેસ્ટર ઓઈલ (એરંડિયું તેલ) વાળના મૂળને પોષણ આપવા, હેર ગ્રોથ વધારવા અને વાળને મજબૂત બનાવવા માટે ખૂબ જ ફાયદાકારક સાબિત થાય છે.

જોકે, કેસ્ટર ઓઈલ ખૂબ જ ઘટ્ટ હોવાથી તેને અન્ય હલકા તેલ સાથે મિક્સ કરીને લગાવવું વધુ ફાયદાકારક માનવામાં આવે છે. ચાલો જાણીએ એવા કેટલાક શ્રેષ્ઠ તેલ વિશે, જેને એરંડિયાના તેલમાં મિક્સ કરીને લગાવવાથી વાળનો વિકાસ ઝડપથી થાય છે અને મજબૂતી મળે છે.

કેસ્ટર ઓઈલ સાથે મિક્સ કરો આ તેલ

• નાળિયેરનું તેલ (કોકોનટ ઓઈલ): નાળિયેર તેલમાં રહેલા ફેટી એસિડ, વિટામિન-ઈ અને એન્ટીઓક્સીડેન્ટ વાળને ડીપ નરિશમેન્ટ આપે છે. જ્યારે તેને એરંડિયાના તેલ સાથે મિક્સ કરવામાં આવે છે, ત્યારે તે સ્કેલ્પને મોઈશ્ચર આપે છે અને વાળને તૂટતા અટકાવે છે.

• બદામનું તેલ: બદામનું તેલ વિટામિન-ઈ, મેગ્નેશિયમ અને પ્રોટીનથી ભરપૂર હોય છે. એરંડિયા સાથે તેને મિક્સ કરીને લગાવવાથી વાળનું ખરવું ઘટે છે અને મૂળ મજબૂત બને છે.

• જૈતુનનું તેલ (ઓલિવ ઓઈલ): ઓલિવ ઓઈલ સ્કેલ્પને ઊંડાણપૂર્વક હાઈડ્રેટ કરીને ડેન્ડ્રફ ઘટાડવામાં મદદ કરે છે. તેને એરંડિયાના તેલ સાથે મિક્સ કરવાથી વાળ ઘાટા અને મજબૂત બને છે.

• આ આમળાનું તેલ: આમળાનું તેલ વિટામિન-સીથી ભરપૂર હોય છે, જે વાળને સમય પહેલા સફેદ થતાં અટકાવે છે. આ બંને તેલ મિક્સ કરીને લગાવવાથી સ્કેલ્પમાં બ્લડ સર્ક્યુલેશન સુધરે છે, જેનાથી હેર ગ્રોથ વધે છે.

• જોજોબા ઓઈલ: જોજોબા ઓઈલ સ્કેલ્પની ડ્રાયનેસ દૂર કરવામાં મદદ કરે છે. એરંડિયાના તેલ સાથે તેને મિક્સ કરીને લગાવવાથી સ્કેલ્પ હેલ્ધી રહે છે અને વાળના મૂળ મજબૂત થાય છે.

• રોઝમેરી ઓઈલ: રોઝમેરી ઓઈલ સ્કેલ્પમાં બ્લડ સર્ક્યુલેશન વધારીને નવા વાળ ઉગાડવામાં મદદ કરે છે. એરંડિયાના તેલમાં રોઝમેરી ઓઈલના થોડા ટીંપા મિક્સ કરીને લગાવવાથી વાળ ખરવાની સમસ્યા દૂર થાય છે.