મોંઘી પ્રોડક્ટ્સ નહીં, 'હીલિંગ અને નરિશમેન્ટ' છે જાપાની બ્યુટીનું સીક્રેટ; નેચરલી મેળવો ગ્લોઇંગ સ્કિન અને ઘાટા વાળ

વિશ્વભરમાં જાપાની મહિલાઓની કરચલી-મુક્ત, ચમકતી ત્વચા અને મજબૂત, રેશમી વાળના ઉદાહરણો આપવામાં આવે છે. પરંતુ શું તમે ક્યારેય વિચાર્યું છે કે ઉંમરને માત આપતી તેમની આ સુંદરતાનું રહસ્ય શું છે?

તમને જાણીને નવાઈ લાગશે કે આની પાછળ કોઈ મોંઘા કેમિકલ પ્રોડક્ટ્સનો કમાલ નથી, પરંતુ સદીઓથી અપનાવવામાં આવતી કુદરતી જડીબુટ્ટીઓ, પ્લાન્ટ-બેઝ્ડ ડાયેટ અને તેમનું સરળ સ્કિન-કેર રૂટીન છે. જાપાનમાં સુંદરતાનો અર્થ માત્ર ચહેરા પર મેકઅપ કરવો નથી, પરંતુ તેને અંદરથી પોષણ આપવું છે. ચાલો જાણીએ જાપાની મહિલાઓના આ સિક્રેટ નેચરલ ઈન્ગ્રીડિયન્ટ્સ વિશે.

૧. જાપાની કેમેલિયા ઓઈલ (Camellia Oil)

આ તેલ એક અદ્ભુત ડીપ મોઇશ્ચરાઇઝર છે. તેમાં એન્ટીઓક્સીડેન્ટ્સ અને ઓલિક એસિડ ભરપૂર માત્રામાં હોય છે, જે ત્વચાના ઊંડાણ સુધી જઈને ફાઈન લાઈન્સ અને કરચલીઓ ઘટાડે છે. તેનાથી સ્કિન સોફ્ટ અને ગ્લોઇંગ બને છે. વાળમાં લગાવવાથી વાળનું શુષ્કપણું અને બેમુખી વાળની સમસ્યા દૂર થાય છે.

૨. ગ્રીન ટી (Green Tea)

ગ્રીન ટીમાં રહેલા 'કેટેચિન્સ' ત્વચાને ફ્રી-રેડિકલ ડેમેજથી બચાવે છે. તે ત્વચાને શાંત કરવા, ખીલ દૂર કરવા અને નેચરલ ગ્લો વધારવામાં મદદ કરે છે. સ્કેલ્પ પર ગ્રીન ટીનો ઉપયોગ કરવાથી વાળના મૂળ મજબૂત થાય છે.

૩. સ્નો મશરૂમ (Snow Mushroom)

જાપાનમાં સ્નો મશરૂમને 'નેચરલ હાઇડ્રોક્સી/હાયલુરોનિક એસિડ' ગણવામાં આવે છે. તે ત્વચામાં ઊંડે સુધી ભેજ પહોંચાડે છે, જેનાથી સ્કિન પ્લમ્પ અને જવાન દેખાય છે. તે વાળમાં પણ ભેજ જાળવી રાખે છે.

૪. રાઈસ બ્રાન (Rice Bran)

વિટામિન B, વિટામિન E અને ફેટી એસિડથી ભરપૂર આ ઘટક અસમાન સ્કિન ટોનને સરખો કરે છે અને વધતી ઉંમરના નિશાનો ઘટાડે છે. તે વાળ માટે એક ઉત્તમ નેચરલ કન્ડીશનર છે, જે હેર ફોલ ઘટાડવામાં મદદરૂપ છે.

૫. ગેટ્ટો (Getto)

ગેટ્ટો જાપાનની એક ખાસ પરંપરાગત જડીબુટ્ટી છે. તે સ્કિન સેલ્સને અંદરથી રિપેર કરે છે, જેથી ચહેરા પર કુદરતી નિખાર આવે છે. તે સ્કેલ્પને સ્વસ્થ રાખીને હેર ગ્રોથમાં મદદ કરે છે.

૬. સીવીડ (Seaweed)

સીવીડમાં અનેક પ્રકારના મિનરલ્સ અને આયોડિન હોય છે, જે ત્વચાની ઇલાસ્ટીસીટી (સ્થિતિસ્થાપકતા) સુધારે છે. તે વાળના મૂળને પોષણ આપીને તૂટતા અટકાવે છે.

૭. ટોફુ (Tofu)

સોયાબીનમાંથી બનતા ટોફુમાં 'આઈસોફ્લેવોન્સ' સારી માત્રામાં મળી આવે છે. આ તત્વ એજિંગ પ્રક્રિયાને ધીમી કરે છે અને શરીરમાં કોલેજનનું ઉત્પાદન વધારે છે, જેનાથી વાળ અને ત્વચા બંને મજબૂત બને છે.