વિશ્વાસઘાતની પરાકાષ્ઠા: સિયા-કેતન જેવો જ ઘાતકી ખેલ પાટણમાં, કેનાલમાં ધક્કો મારી પત્નીને મારવાનો પ્રયાસ!

ગુજરાતના પાટણ જિલ્લાના સમી-હારીજ પંથકમાંથી પતિ-પત્નીના પવિત્ર સંબંધોને કલંકિત કરતો એક ભયાનક હત્યાકાંડ સામે આવ્યો છે. પરસ્ત્રી સાથેના ગેરકાયદેસર પ્રેમ સંબંધોમાં અંધ બનેલા એક પાપી પતિએ પોતાના જ મિત્ર સાથે મળીને પત્નીને જીવતી જ નર્મદા કેનાલના ધસમસતા પાણીમાં ફેંકી દઈ ક્રૂર હત્યા નીપજાવી છે. આ ચકચારી ઘટનાને પગલે સમગ્ર પંથકમાં હાહાકાર મચી ગયો છે. પોલીસે આ મામલે ગુનો નોંધી હત્યારા પતિ અને તેના મિત્રને જેલના સળિયા પાછળ ધકેલી દીધા છે.

બનાવની વિગત અનુસાર, મૂળ સમી તાલુકાના વાવલ ગામના વતની અને હાલ હારીજ તાલુકાના ગોવના ગામે ખેત મજૂરી કરતા સકતાજી ઠાકોર નામના પરિણીત શખ્સને છેલ્લા દોઢ વર્ષથી અન્ય એક મહિલા સાથે અનૈતિક સંબંધો હતા.  આ આડા સંબંધોની જાણ તેની પત્ની મંજુલાબેન ઠાકોરને થતાં ઘરમાં અવારનવાર ઝઘડા અને કંકાસ થતાં હતા, પત્ની વારંવાર પતિના આ ગેરકાયદેસર સંબંધોનો વિરોધ કરતી હતી, જે પતિ સકતાજીને ખટકતું હતું. પત્નીનો કાયમી કાંટો કાઢવા અને પોતાના અંધ પ્રેમને પામવા માટે સકતાજીએ પોતાના મિત્ર કિશનજી ઠાકોર સાથે મળીને પત્નીની હત્યાનું પ્રી-પ્લાન્ડ ષડયંત્ર રચ્યું હતું. પસાર થતી નર્મદા કેનાલ પર લઈ ગયા હતા.

કોઈ કંઈ સમજે તે પહેલાં જ બંને નરાધમોએ મંજુલાબેનના હાથ-પગ પકડીને તેમને જીવતા જ કેનાલના ઊંડા પાણીમાં ફેંકી દીધા હતા. મંજુલાબેને જીવ બચાવવા કાલાવાલા કર્યા હોવા છતાં પાષાણ હૃદયના પતિને જરાય દયા આવી નહોતી અને પાણીમાં ડૂબી જવાથી મંજુલાબેનનું કમકમાટીભર્યું મોત નીપજ્યું હતું. પત્નીની હત્યા કર્યા બાદ સકતાજી કાયદાથી બચવા માટે અવનવા ગતકડાં વિચારી રહ્યો હતો, પરંતુ પાપ ક્યારેય છૂપું રહેતું નથી. ભય અથવા પસ્તાવાના કારણે સકતાજીએ પોતે જ આ સમગ્ર કરપીણ હત્યાકાંડની કબૂલાત પોતાના સાળા રતાજી ઠાકોર સામે કરી દીધી હતી. બનેવીના મોઢે સગા બહેનની હત્યાની વાત સાંભળીને સાળા રતાજીના પગ નીચેથી જમીન સરકી ગઈ હતી.

બહેનની હત્યાની જાણ થતાં જ સાળા રતાજી ઠાકોરે સહેજ પણ વિલંબ કર્યા વિના તાત્કાલિક સમી પોલીસ સ્ટેશને પહોંચીને બનેવી સકતાજી ઠાકોર અને તેના મિત્ર કિશનજી ઠાકોર વિરુદ્ધ હત્યાની ફરિયાદ નોંધાવી હતી.ઘટનાની ગંભીરતાને ધ્યાને લઈ સમી પોલીસે તાત્કાલિક લાલ આંખ કરી અલગ-અલગ ટીમો બનાવી ગણતરીના કલાકોમાં જ બંને હત્યારાઓને ઝડપી પાડી જેલના સળિયા પાછળ ધકેલી દીધા છે. આ ઘટનાએ ફરી એકવાર સમાજમાં નૈતિક મૂલ્યોના પતનની ગંભીર સ્થિતિ સામે લાવી દીધી છે.