સુરત: પૂરની કામગીરીનું બહાનું ધરી સરકારી કચેરીઓ ઠપ્પ, સુરતીઓ લાઈનમાં ઊભા રહેવા મજબૂર!

સુરત શહેરમાં તાજેતરમાં આવેલા ખાડી પૂર બાદ હવે વહીવટી તંત્રની ગંભીર બેદરકારી અને આડોડાઈના દ્રશ્યો એક પછી એક સામે આવી રહ્યા છે. પૂર રાહત અને સર્વેની કામગીરીના નામે સરકારી કચેરીઓમાં સામાન્ય જનતાના રોજિંદા કામો અટકાવી દેવામાં આવ્યા હોવાની ચોંકાવનારી વિગતો પ્રકાશમાં આવી છે. સુરતના પુણાગામ વિસ્તારમાં આવેલી ભાતની વાડી મામલતદાર કચેરી ખાતે તંત્રની આવી જ લાલિયાવાડી સામે આવતા કચેરીએ પોતાના કામ અર્થે ધક્કા ખાતા સ્થાનિક લોકોમાં ભારે રોષ અને આક્રોશ ફાટી નીકળ્યો છે.

કચેરી બહાર પોસ્ટર મારી કર્મચારીઓ ગાયબ

મળતી માહિતી મુજબ, પુણાગામ ભાતની વાડી મામલતદાર કચેરીની બહાર સત્તાવાળાઓ દ્વારા એક પોસ્ટર લગાવી દેવામાં આવ્યું છે. આ પોસ્ટરમાં લખવામાં આવ્યું છે કે, "પૂરની કામગીરી ચાલુ હોવાના કારણે કચેરીના કર્મચારીઓ તે કામમાં રોકાયેલા છે." આ પોસ્ટર મારીને કચેરીના કર્મચારીઓએ કાયદેસરના અન્ય તમામ વહીવટી કામો પડતા મૂક્યા છે. પરિણામે, પોતાના જરૂરી સરકારી દસ્તાવેજો, દાખલા કે અન્ય કામો માટે આવતા સામાન્ય નાગરિકો ભારે હાલાકીનો સામનો કરી રહ્યા છે અને કચેરીના ધક્કા ખાઈ રહ્યા છે.

શુક્રવારથી લાઈનમાં ઊભા રહેવા લોકો મજબૂર, એજન્ટોનો રાફડો

સ્થાનિક અરજદારોના જણાવ્યા અનુસાર, તેઓ ગત શુક્રવારથી પોતાના સરકારી કામો કરાવવા માટે વહેલી સવારથી કચેરી બહાર લાંબી લાઈનો લગાવીને ઊભા રહેવા મજબૂર બન્યા છે. કલાકો સુધી લાઈનમાં ઊભા રહ્યા પછી પણ કોઈ સરકારી અધિકારી કે કર્મચારી યોગ્ય જવાબ આપવા તૈયાર નથી. નવાઈની વાત તો એ છે કે, કચેરીના સત્તાવાર કર્મચારીઓ ભલે પૂરની કામગીરીનું બહાનું કાઢીને ગેરહાજર હોય, પરંતુ કચેરીની બહાર ખાનગી એજન્ટો બેફામ ફરતા જોવા મળી રહ્યા છે.

લોકોમાં વહીવટી તંત્ર સામે ઉગ્ર આક્રોશ

એક તરફ લોકોને પૂરના કારણે આર્થિક નુકસાન વેઠવાનો વારો આવ્યો છે, ત્યારે બીજી તરફ કચેરીઓમાં સામાન્ય કામો માટે પણ ત્રણ-ત્રણ દિવસ સુધી લાઈનોમાં ધકેલાવું પડતાં જનતાનો પિત્તો ગયો છે. લોકો સવાલ ઉઠાવી રહ્યા છે કે જો આખો સ્ટાફ પૂરની કામગીરીમાં જ વ્યસ્ત હોય, તો કચેરી બહાર ખાનગી એજન્ટો કઈ રીતે વહીવટ કરી રહ્યા છે? પૂર રાહતની કામગીરી ચોક્કસ જરૂરી છે,