જય જગગન્નાથ: રાજકોટમાં અષાઢી બીજે ભક્તિભાવપૂર્વક નીકળશે ભગવાન જગન્નાથની રથયાત્રા, રાજવી પરિવારના હસ્તે થશે 'પહીંદ વિધિ'

રાજકોટ શહેર આગામી અષાઢી બીજના પવિત્ર તહેવાર નિમિત્તે પ્રભુ ભક્તિના રંગે રંગાવા માટે સંપૂર્ણ સજ્જ બન્યું છે. રાજકોટમાં ભગવાન જગન્નાથની રથયાત્રાની ઉજવણી દર વર્ષની જેમ આ વર્ષે પણ ખૂબ જ ભક્તિભાવ, અગાધ શ્રદ્ધા અને અભૂતપૂર્વ ઉત્સાહપૂર્વક કરવામાં આવશે. ઓડિશાના પુરી અને ગુજરાતના અમદાવાદની વિશ્વપ્રસિદ્ધ રથયાત્રાની જેમ જ હવે રાજકોટમાં પણ અષાઢી બીજના પવિત્ર દિવસે નીકળતી ભગવાન જગન્નાથની રથયાત્રા સમગ્ર સૌરાષ્ટ્રનું એક મુખ્ય ધાર્મિક અને સાંસ્કૃતિક આકર્ષણ બની ગઈ છે. પ્રભુના દર્શન કરવા અને રથ ખેંચવા માટે લાખોની સંખ્યામાં માનવ મહેરામણ ઉમટી પડે તેવો માહોલ સર્જાયો છે.

નાના મૌવા જગન્નાથ મંદિરથી સવારે થશે ભવ્ય પ્રસ્થાન

રાજકોટમાં રથયાત્રાનું મુખ્ય આયોજન નાના મૌવા રોડ પર, મોકાજી સર્કલ પાસે આવેલા સુપ્રસિદ્ધ જગન્નાથ મંદિર દ્વારા કરવામાં આવ્યું છે. આગામી તારીખ ૧૬ ના રોજ વહેલી સવારે મંગળા આરતી અને ધાર્મિક વિધિ-વિધાન બાદ ભગવાન જગન્નાથજીની રથયાત્રા ભવ્ય સ્તરે પ્રસ્થાન કરશે. રથયાત્રાના પ્રારંભ પૂર્વે જ મંદિરમાં ભક્તોનું ઘોડાપૂર ઉમટી પડશે. આ વર્ષે પણ રથયાત્રાને વધુ આકર્ષક, શિસ્તબદ્ધ અને ભવ્ય બનાવવા માટે મંદિર સમિતિ તથા સ્થાનિક મંડળો દ્વારા તડામાર તૈયારીઓ આખરી ઓપમાં છે.

નાના મૌવા જગન્નાથ મંદિરથી સવારે થશે ભવ્ય પ્રસ્થાન

રાજકોટમાં રથયાત્રાનું મુખ્ય આયોજન નાના મૌવા રોડ પર, મોકાજી સર્કલ પાસે આવેલા સુપ્રસિદ્ધ જગન્નાથ મંદિર દ્વારા કરવામાં આવ્યું છે. વહેલી સવારે મંગળા આરતી અને ધાર્મિક વિધિ-વિધાન બાદ ભગવાન જગન્નાથજીની રથયાત્રા ભવ્ય સ્તરે પ્રસ્થાન કરશે. રથયાત્રાના પ્રારંભ પૂર્વે જ મંદિરમાં ભક્તોનું ઘોડાપૂર ઉમટી પડશે. આ વર્ષે પણ રથયાત્રાને વધુ આકર્ષક, શિસ્તબદ્ધ અને ભવ્ય બનાવવા માટે મંદિર સમિતિ તથા સ્થાનિક મંડળો દ્વારા તડામાર તૈયારીઓ આખરી ઓપમાં છે.

22 કિલોમીટર લાંબો રૂટ: શહેરની સૌથી મોટી ધાર્મિક યાત્રા

રાજકોટની રથયાત્રાનો રૂટ આશરે 22 કિલોમીટર જેટલો લાંબો હોય છે, જે આખા રાજકોટ શહેરની સૌથી મોટી અને લાંબી ધાર્મિક યાત્રાઓમાંની એક છે. આ ભવ્ય રથયાત્રા નાના મૌવા, મોકાજી સર્કલથી શરૂ થઈને શહેરના પશ્ચિમ અને પૂર્વ એમ બંને વિસ્તારોના મુખ્ય માર્ગો, ચોક અને ગીચ વસ્તીવાળા વિસ્તારોમાંથી પસાર થશે. આ ૨૨ કિલોમીટર લાંબા રૂટ પર ઠેર-ઠેર ભગવાન જગન્નાથજીનું ભવ્ય સ્વાગત કરવામાં આવશે. વિવિધ સામાજિક, રાજકીય અને ધાર્મિક સંગઠનો દ્વારા રથયાત્રાના રૂટ પર ઠંડા પાણી, શરબત અને પ્રસાદની વ્યવસ્થા કરવામાં આવી છે. આખો રૂટ 'જય જગન્નાથ' અને 'હરિ બોલ'ના નારાઓથી ગુંજી ઉઠશે.