શું તમે પણ નોકરીમાં પ્રોમોશન માટે ઓફિસ ડેસ્ક પર મની પ્લાન્ટ રાખો છો? વાસ્તુના આ નિયમોનું રાખો ધ્યાન

કરિયરમાં પ્રગતિ મેળવવી એ દરેક વ્યક્તિનું સ્વપ્ન હોય છે. આ માટે આપણે સખત મહેનત કરવાની સાથે વાસ્તુશાસ્ત્રના નિયમોનું પણ પાલન કરીએ છીએ જેથી નોકરીમાં કોઈ અડચણ ન આવે. કાર્યસ્થળ પર સમૃદ્ધિ અને પ્રગતિ લાવવા માટે ઓફિસ ડેસ્ક પર મની પ્લાન્ટ રાખવો ખૂબ જ લોકપ્રિય ઉપાય છે. પરંતુ, વાસ્તુના યોગ્ય નિયમોનું પાલન ન કરવાથી લાભને બદલે નુકસાન પણ થઈ શકે છે.

મની પ્લાન્ટ રાખવાની સાચી દિશા

વાસ્તુશાસ્ત્ર અનુસાર, ઓફિસમાં મની પ્લાન્ટ રાખવા માટે દક્ષિણ-પૂર્વ (અગ્નિ) દિશા સૌથી શુભ માનવામાં આવે છે. આ દિશા શુક્ર ગ્રહ સાથે સંબંધિત છે, જે વિકાસ અને આર્થિક સમૃદ્ધિ દર્શાવે છે. ઓફિસ ડેસ્ક પર આ દિશામાં મની પ્લાન્ટ રાખવાથી નોકરીમાં નવી તકો મળે છે અને પ્રોમોશનના યોગ બને છે.

મની પ્લાન્ટ સુકાવો ન જોઈએ

ઘણીવાર લોકો ડેસ્ક પર મની પ્લાન્ટ મૂકી તો દે છે પણ તેની યોગ્ય સંભાળ રાખતા નથી. છોડ કે તેના પાંદડા સુકાઈ જવાથી વાસ્તુદોષ લાગે છે, જે કરિયરની પ્રગતિને રોકી શકે છે. તેથી છોડને સમયાંતરે થોડા સમય માટે એવી જગ્યાએ પણ રાખો જ્યાં હળવો સૂર્યપ્રકાશ મળતો રહે.

બેસવાની જગ્યાની ડાબી બાજુ રાખો છોડ

ઓફિસ ડેસ્ક પર જ્યારે તમે બેસો, ત્યારે મની પ્લાન્ટ તમારી ડાબી બાજુ (Left Side) હોવો જોઈએ. આ રીતે રાખવામાં આવેલો છોડ કરિયરમાં ઝડપી પ્રગતિ અપાવે છે.

આસપાસ સ્વચ્છતા જાળવો

મની પ્લાન્ટને હંમેશાં સાફ-સુથરી જગ્યાએ રાખવો જોઈએ. ઓફિસ ડેસ્ક પર ફાઈલો, કાગળો કે બિનજરૂરી વસ્તુઓની વચ્ચે છોડ રાખવાનું ટાળો અને તેની આસપાસ રોજ સફાઈ રાખો.