Dharmdarshan: 138 દિવસ સુધી શનિની ઊંધી ચાલ! સિંહ અને કુંભ રાશિ પર કષ્ટ, જાણો તમારી રાશિ પર શું થશે અસર

૨૭ જુલાઈથી ન્યાયના દેવ શનિ વક્રી થવા જઈ રહ્યા છે. આ દિવસથી શનિની ઊંધી ચાલ શરૂ થશે, જે ૧૧ ડિસેમ્બર સુધી ચાલુ રહેશે. કુલ ૧૩૮ દિવસ સુધી શનિ વક્રી રહેશે. શનિની આ ચાલ કેટલીક રાશિઓ માટે ખૂબ જ શુભ તો કેટલીક રાશિઓ માટે પડકારજનક સાબિત થઈ શકે છે. જ્યોતિષીઓએ કેટલીક રાશિઓને આ સમયગાળા દરમિયાન વિશેષ સાવધાની રાખવાની સલાહ આપી છે. ચાલો જાણીએ તમામ ૧૨ રાશિઓ પર શનિની વક્રી ચાલની શું અસર પડશે.

મેષ રાશિ

મેષ રાશિના જાતકો માટે શનિ ૧૨મા ભાવમાં વક્રી થશે. બિનજરૂરી ખર્ચ વધી શકે છે અને કોર્ટ-કચેરીના મામલાઓમાં વધારાની સાવચેતી રાખવી પડશે. વિદેશ સંબંધિત કાર્યોમાં લાભ મળવાની સંભાવના છે. આરોગ્ય પ્રત્યે બેદરકારી ન રાખવી.

• શુભ રંગ: મરૂન

• શુભ અંક: ૧, ૨ અને ૯

• અચૂક ઉપાય: ભગવાન શિવશંકરની પૂજા કરો. "ૐ નમઃ શિવાય" અને "ૐ સોમ સોમાય નમઃ" મંત્રનો જાપ કરો.

વૃષભ રાશિ

વૃષભ રાશિ માટે શનિ ૧૧મા ભાવમાં વક્રી થશે. અટકેલા નાણાં પાછા મળવાની શક્યતા છે. રોકાણથી લાભ થઈ શકે છે. જોકે, મોટા ભાઈ-બહેનો કે મિત્રો સાથે વૈચારિક મતભેદ થઈ શકે છે. આર્થિક રીતે સમય સાનુકૂળ છે.

• શુભ રંગ: ખાંડ સમાન (સફેદ)

• શુભ અંક: ૨, ૬ અને ૯

• અચૂક ઉપાય: ભગવાન શિવની પૂજા કરો અને "ૐ નમઃ શિવાય" નો જાપ કરો.

મિથુન રાશિ

મિથુન રાશિના જાતકો માટે શનિ ૧૦મા ભાવમાં વક્રી થશે. નોકરી અને વ્યાપારમાં કામનું દબાણ વધી શકે છે. નોકરી બદલવામાં ઉતાવળ ન કરવી. વરિષ્ઠ અધિકારીઓ સાથે તાલમેલ જાળવવો. મહેનતનું ફળ મળવામાં વિલંબ થઈ શકે છે.

• શુભ રંગ: સ્કાય બ્લુ

• શુભ અંક: ૧, ૨, ૫ અને ૮

• અચૂક ઉપાય: શિવજીની આરાધના કરી "ૐ સોમ સોમાય નમઃ" નો જાપ કરવો.

કર્ક રાશિ

કર્ક રાશિ માટે શનિ ૯મા ભાવમાં વક્રી થશે. ધાર્મિક યાત્રાના યોગ બની રહ્યા છે. પિતાના સ્વાસ્થ્યનું ધ્યાન રાખવું જરૂરી રહેશે. ઉચ્ચ શિક્ષણ મેળવતા વિદ્યાર્થીઓએ અપેક્ષા કરતાં વધુ મહેનત કરવી પડશે.

• શુભ રંગ: ગુલાબી

• શુભ અંક: ૧, ૨ અને ૭

• અચૂક ઉપાય: શિવલિંગ પર જળ અર્પણ કરી "ૐ નમઃ શિવાય" નો જાપ કરો.

સિંહ રાશિ

સિંહ રાશિના જાતકો માટે શનિ ૮મા ભાવમાં વક્રી થશે. વાહન ચલાવતી વખતે ખાસ સાવધાની રાખવી. ગુપ્ત શત્રુઓથી બચવું. આ સમય દરમિયાન મોટું રોકાણ કે આર્થિક જોખમ લેવાનું ટાળો.

• શુભ રંગ: ઘાટો ગુલાબી

• શુભ અંક: ૧, ૨, ૪ અને ૭

• અચૂક ઉપાય: શિવજીની પૂજા કરો અને "ૐ નમઃ શિવાય" મંત્રનો જાપ કરો.

કન્યા રાશિ

કન્યા રાશિ માટે શનિ ૭મા ભાવમાં વક્રી થશે. દંપતી જીવનમાં નાની નાની બાબતોમાં તણાવ વધી શકે છે. ભાગીદારીના વ્યવસાયમાં નાણાકીય પારદર્શિતા રાખવી. નવો બિઝનેસ શરૂ કરતા પહેલા વિચારવો.

• શુભ રંગ: મૂનલાઇટ (હળવો સફેદ)

• શુભ અંક: ૧, ૨, ૫ અને ૮

• અચૂક ઉપાય: નિયમિત શિવ પૂજા અને મંત્ર જાપ કરવો.

તુલા રાશિ

તુલા રાશિના જાતકો માટે શનિ ૬ઠ્ઠા ભાવમાં વક્રી થશે. જૂના દેવામાંથી રાહત મળી શકે છે. નોકરીયાત વર્ગ માટે સમય અનુકૂળ રહેશે. જોકે, જૂની સ્વાસ્થ્ય સમસ્યાઓને નજરઅંદાજ ન કરવી.

• શુભ રંગ: સ્ફટિક સમાન (સફેદ)

• શુભ અંક: ૨, ૬ અને ૭

• અચૂક ઉપાય: "ૐ નમઃ શિવાય" અને "ૐ સોમ સોમાય નમઃ" નો પાઠ કરો.

વૃશ્ચિક રાશિ

વૃશ્ચિક રાશિના જાતકો માટે શનિ ૫મા ભાવમાં વક્રી થશે. સંતાન પક્ષને લઈને ચિંતા થઈ શકે છે. પ્રેમ સંબંધોમાં ઉતાર-ચઢાવ આવી શકે છે. શેરબજાર અને સટ્ટાકીય રોકાણથી દૂર રહેવું.

• શુભ રંગ: લાલ

• શુભ અંક: ૧ અને ૯

• અચૂક ઉપાય: ભગવાન શિવની ભક્તિભાવથી પૂજા કરવી.

ધનુ રાશિ

ધનુ રાશિના જાતકો માટે શનિ ૪થા ભાવમાં વક્રી થશે. પારિવારિક વાતાવરણમાં ઉતાર-ચઢાવ આવી શકે છે. માતાના સ્વાસ્થ્યનું વિશેષ ધ્યાન રાખવું. જમીન અને વાહન સંબંધિત બાબતોમાં વિલંબ થઈ શકે છે.

• શુભ રંગ: ભગવો (કેસરી)

• શુભ અંક: ૧, ૨, ૩ અને ૯

• અચૂક ઉપાય: "ૐ નમઃ શિવાય" નો જાપ કરવો.

મકર રાશિ

મકર રાશિના જાતકો માટે શનિ ૩જા ભાવમાં વક્રી થશે. આત્મવિશ્વાસ અને સાહસમાં વધારો થશે. ટૂંકી યાત્રાઓ લાભદાયી સાબિત થઈ શકે છે. મહેનતના બળ પર અટકેલા કામો પૂર્ણ થશે.

• શુભ રંગ: નેવી બ્લુ

• શુભ અંક: ૨, ૫ અને ૮

• અચૂક ઉપાય: ભગવાન શિવશંકરની પૂજા કરો.

કુંભ રાશિ

કુંભ રાશિના જાતકો માટે શનિ ૨જા ભાવમાં વક્રી થશે. ધન સંચય કરવામાં મુશ્કેલી આવી શકે છે. વાણી પર સંયમ રાખવો નહીંતર સંબંધોમાં કડવાશ આવી શકે છે. આર્થિક નિર્ણયો સમજી-વિચારીને લેવા.

• શુભ રંગ: એક્વા બ્લુ

• શુભ અંક: ૨, ૫ અને ૮

• અચૂક ઉપાય: "ૐ સોમ સોમાય નમઃ" નો જાપ કરવો.

મીન રાશિ

મીન રાશિમાં જ શનિ વક્રી થઈ રહ્યા છે. આ રાશિ પર શનિની સાડા સાતીનો બીજો તબક્કો ચાલી રહ્યો છે. માનસિક તણાવ કે દ્વિધાની સ્થિતિ બની શકે છે. કોઈ પણ મોટો નિર્ણય ઉતાવળમાં ન લેવો.

• શુભ રંગ: સોનેરી (ગોલ્ડન)

• શુભ અંક: ૧, ૨ અને ૩

• અચૂક ઉપાય: ભગવાન શિવની પૂજા અને નિયમિત અનુશાસિત દિનચર્યા રાખવી.