Dharmdarshan: તમારા ગ્રહ-નક્ષત્રો શું કહે છે? જાણો તમારી લવ મેરેજ થશે કે એરેન્જડ

લગ્નની ઉંમર થતાં જ દરેક વ્યક્તિના મનમાં એ સવાલ ચોક્કસ આવે છે કે તેના લગ્ન લવ મેરેજ (પ્રેમ લગ્ન) થશે કે એરેન્જડ મેરેજ. જ્યોતિષ શાસ્ત્ર અનુસાર આપણી જન્મકુંડળી અને નક્ષત્રો આ અંગે સ્પષ્ટ સંકેતો આપે છે. કુંડળીમાં અમુક ગ્રહો અને ભાવનો યોગ પ્રેમ લગ્નની પ્રબળ શક્યતાઓ બનાવે છે.

કુંડળીના કયા ભાવ અને ગ્રહો કરાવે છે લવ મેરેજ?

જ્યોતિષશાસ્ત્રમાં કુંડળીનો પાંચમો ભાવ પ્રેમ અને આકર્ષણનો ગણાય છે, જ્યારે સાતમો ભાવ લગ્ન અને જીવનસાથીનો છે:

• ૫મા અને ૭મા ભાવનો સંબંધ: જ્યારે પાંચમા અને સાતમા ભાવના સ્વામી એકસાથે બેઠા હોય અથવા એકબીજાની સામસામે હોય, ત્યારે પ્રેમ લગ્નના પ્રબળ યોગ બને છે.

• શુક્ર, મંગળ અને રાહુની ભૂમિકા: શુક્ર પ્રેમ અને આકર્ષણનો કારક છે, જ્યારે મંગળ ઉત્સાહ આપે છે. જો શુક્ર અને મંગળનો સંબંધ ૫મા કે ૭મા ભાવ સાથે થાય તો વ્યક્તિમાં પ્રેમ સંબંધો તરફ આકર્ષણ વધે છે.

• શુક્ર અને રાહુની જોડી: રાહુ પરંપરાગત નિયમો તોડવા માટે જાણીતો છે. જ્યારે ૭મા ભાવ પર શુક્ર અને રાહુનો પ્રભાવ હોય, ત્યારે વ્યક્તિ પરિવારની સંમતિથી કે વિરુદ્ધ જઈને પણ લવ મેરેજ કરે છે.

કયા નક્ષત્રો આપે છે પ્રેમ લગ્નના સંકેત?

શાસ્ત્ર મુજબ કેટલાક ખાસ નક્ષત્રોમાં જન્મેલા લોકો ભાવનાત્મક રીતે ખૂબ ઊંડા હોય છે અને તેમનામાં આકર્ષણ વધુ હોય છે:

• આર્દ્રા નક્ષત્ર: આ નક્ષત્રના જાતકો ખૂબ ભાવુક હોય છે અને જલ્દીથી કોઈના પ્રેમમાં પડી જાય છે.

• પૂર્વાફાલ્ગુની નક્ષત્ર: પ્રેમ અને રોમાન્સની બાબતમાં આ લોકો ખૂબ નસીબદાર માનવામાં આવે છે.

• વિશાખા નક્ષત્ર: આકર્ષક વ્યક્તિત્વ ધરાવતા આ લોકો પ્રેમ સંબંધો ખુલ્લેઆમ જીવે છે.

• અનુરાધા નક્ષત્ર: આ લોકો સ્વભાવે વફાદાર હોય છે અને પોતાના પ્રેમને લગ્ન સુધી પહોંચાડવામાં વિશ્વાસ રાખે છે.

જો આ નક્ષત્રોમાં જન્મ થયો હોય અને કુંડળીમાં ૫મા અને ૭મા ભાવનો શુભ સંબંધ પણ બનતો હોય, તો લવ મેરેજ લગભગ નક્કી જ માનવામાં આવે છે.