entertainment: એક પેપર, હજારો સપના... Zee5 એ 'The Scam Leaked' સિરીઝની કરી જાહેરાત, વિદ્યાર્થીઓના વિરોધ વચ્ચે વાયરલ

સમગ્ર દેશમાં હાલ NEET પેપર લીક વિવાદ અને વિદ્યાર્થીઓના વિરોધ પ્રદર્શન ચર્ચામાં છે, ત્યારે OTT પ્લેટફોર્મ Zee5 એ પોતાની નવી ઓરિજિનલ સિરીઝ 'ધ સ્કેમ: લીક્ડ' (The Scam Leaked) નો ફર્સ્ટ-લૂક ટીઝર શેર કરીને સોશિયલ મીડિયા પર ખળભળાટ મચાવી દીધો છે. આ સિરીઝ મેડિકલ એન્ટ્રન્સ એક્ઝામના પ્રશ્નપત્ર લીક થવાની ઘટના પર આધારિત છે.

NEET પેપર લીક મુદ્દે દિલ્હી સહિત દેશભરમાં વિદ્યાર્થીઓ રસ્તા પર ઉતરીને વિરોધ કરી રહ્યા છે, તેવા સમયે જ આ જાહેરાત આવતા તે ઝડપથી વાયરલ થઈ રહી છે. ફર્સ્ટ-લૂક ટીઝર શેર કરતા Zee5 એ કેપ્શનમાં લખ્યું:

"એક પેપર. લાખો સપના. એક લીક. દેશ હેરાન. 'ધ સ્કેમ: લીક્ડ', ટૂંક સમયમાં માત્ર Zee5 પર!"

સ્ટાર કાસ્ટ અને કન્ટેન્ટ અંગે સસ્પેન્સ

જોકે, પ્લેટફોર્મે હજુ સુધી એ સ્પષ્ટ કર્યું નથી કે આ સિરીઝ કોઈ સત્યઘટનાથી પ્રેરિત છે કે કાલ્પનિક. પરંતુ ટીઝરનો છેલ્લો સીન દર્શકોના રૂવાડાં ઊભા કરી દે તેવો છે. સિરીઝમાં કયા કલાકારો મુખ્ય ભૂમિકામાં જોવા મળશે તે અંગેની વિગતો હજુ ગુપ્ત રાખવામાં આવી છે.

સોશિયલ મીડિયા પર નેટિઝન્સની પ્રતિક્રિયાઓ

ઝી5 ની આ જાહેરાત બાદ યુઝર્સ તરફથી મિશ્ર પ્રતિક્રિયાઓ જોવા મળી રહી છે:

• એક યુઝરે લખ્યું: "કૃપા કરીને આનું વધુ પ્રમોશન ન કરો... સીધું રિલીઝ જ કરી દો, નહીંતર આની સ્થિતિ પણ 'સતલુજ' જેવી થશે."

• અન્ય એક યુઝરે કમેન્ટ કરી: "ઝી5 ને ટ્રેન્ડનો લાભ લેવાનો યોગ્ય મોકો મળી ગયો."

• ત્રીજા યુઝરે કહ્યું: "તમારે અત્યારે જ આનું ટીઝર લોન્ચ કરવાનું હતું?"

Zee5 ની આગામી નવી સિરીઝ અને વિવાદ

તાજેતરમાં જ Zee5 એ તેની આગામી ફિલ્મો અને સિરીઝનું લાઇનઅપ જાહેર કર્યું છે, જેમાં રંગબાઝ ૪, જાનવર સીઝન ૨, કાંબલી, જીના ઈસી કા નામ હૈ ૨.૦, ધ ઝી હોરર શો, અને રામ અંજનેય યુદ્ધ જેવા મોટા પ્રોજેક્ટ્સ સામેલ છે.

ઉલ્લેખનીય છે કે, આ જ મહિને દિલજીત દોસાંજની ફિલ્મ 'સતલુજ' ૩ જુલાઈના રોજ Zee5 પર સ્ટ્રીમ થઈ હતી, પરંતુ કેટલાક વિવાદોના કારણે તેને ૫ જુલાઈના રોજ પ્લેટફોર્મ પરથી હટાવી દેવામાં આવી હતી.