પરિણિત અને 2 બાળકોના પિતા યશ સાથે તારા સુતારિયા થઈ 'મધહોશ', બાથટબ પોઝ સોશિયલ મીડિયા પર વાયરલ

સાઉથ સુપરસ્ટાર યશ (Yash) અને બોલીવુડ એક્ટ્રેસ તારા સુતારિયા (Tara Sutaria) આજકાલ પોતાની આગામી ફિલ્મ 'ટોક્સિક' (Toxic) ને લઈને ખૂબ જ ચર્ચામાં છે. તાજેતરમાં જ ફિલ્મનું નવું ગીત 'મધહોશ' રિલીઝ થયું છે, જેમાં બંનેની કેમેસ્ટ્રીએ સોશિયલ મીડિયા પર ધમાલ મચાવી દીધી છે.

ગીતમાં યશ અને તારા વચ્ચે ઘણા બોલ્ડ અને સ્ટીમી સીન્સ શૂટ કરવામાં આવ્યા છે. ચાહકો જ્યાં આ બોલ્ડ કેમેસ્ટ્રીના વખાણ કરી રહ્યા છે, તો બીજી તરફ કેટલાક યુઝર્સ આટલા વધુ પડતા બોલ્ડ સીન્સ પર સવાલો પણ ઉઠાવી રહ્યા છે.

તારા સુતારિયાએ શેર કરી રોમેન્ટિક તસવીરો

આ તમામ વિવાદો અને ચર્ચાઓ વચ્ચે તારા સુતારિયા આ પળોને ખૂબ એન્જોય કરી રહી છે. તેણે પોતાના સોશિયલ મીડિયા હેન્ડલ પર યશ સાથેની કેટલીક અનસીન અને રોમેન્ટિક તસવીરો શેર કરી છે.

આ તસવીરો 'મધહોશ' ગીતના શૂટિંગ સમયની છે, જેમાં તારા અને યશ બાથટબમાં એકબીજાના પ્રેમમાં ડૂબેલા જોવા મળે છે, તો વળી કેટલીક તસવીરોમાં તેઓ એકાંત રસ્તા પર એકબીજાની આંખોમાં જોતા નજરે પડે છે.

તસવીરો શેર કરતા તારાએ કેપ્શનમાં લખ્યું કે, "મધહોશ ગીતના શૂટિંગ વચ્ચેની આ પળો મને સૌથી વધુ પસંદ છે. ચોરી-છૂપીથી મળતી નજરો, સ્માઇલ અને આંખો જ આંખોમાં થતી વાતો. તમને આમાંથી કઈ મોમેન્ટ સૌથી વધુ ગમી?"

સોશિયલ મીડિયા પર ટ્રોલિંગ અને વિવાદ

તારાની આ પોસ્ટ પર યુઝર્સે અલગ-અલગ પ્રતિક્રિયાઓ આપવાનું શરૂ કરી દીધું છે. ઘણા ચાહકોએ ફિલ્મમાં તેના પાત્રની પ્રશંસા કરતા લખ્યું કે "રેબેકા સૌથી સુંદર છે."

જોકે, કેટલાક નેટિઝન્સે યશના અંગત જીવનનો ઉલ્લેખ કરીને ટ્રોલ કરવાનું શરૂ કર્યું હતું. એક યુઝરે કમેન્ટ કરતા લખ્યું, "શું તમને નથી દેખાતું કે યશ પરિણિત છે અને બે બાળકોનો પિતા છે? આ પહેલા કિયારા અડવાણીને પણ આવી જ બાબતે ખૂબ ટ્રોલ કરવામાં આવી હતી."

ગીતમાં જોવા મળ્યો યશનો અલગ અંદાજ

'તબાહી' ગીતની ભવ્ય સફળતા બાદ રિલીઝ થયેલું આ નવું ગીત 'મધહોશ' માત્ર રોમાન્સ પૂરતું સીમિત નથી, પરંતુ ફિલ્મમાં યશના પાત્ર 'રાયા'નો એક તદ્દન અલગ ચહેરો પણ રજૂ કરે છે. પહેલા ગીતમાં જ્યાં તેનો ખતરનાક અને રૌદ્ર અવતાર જોવા મળ્યો હતો, ત્યાં આ ગીતમાં તારાના પાત્ર 'રેબેકા' સાથે તેનો સોફ્ટ અને ઈમોશનલ લુક જોવા મળે છે.

હાલ તો યશ અને તારાની આ સિઝલિંગ કેમેસ્ટ્રી ઈન્ટરનેટ પર છવાયેલી છે. ચાહકો આ ફિલ્મની આતુરતાપૂર્વક રાહ જોઈ રહ્યા છે, જે આગામી ૨૬ ઓગસ્ટના રોજ થિયેટરોમાં રિલીઝ થવા જઈ રહી છે.