Entertainment: Spiderman Brand New Day Final Trailer: ભૂલાયેલો પ્રેમ અને સ્વજનોનો વિયોગ, પિટર પાર્કરની ઈમોશનલ સ્ટોરીનું નવું ટ્રેલર રિલીઝ

માર્વેલ સિનેમેટિક યુનિવર્સ (MCU) ના ફેન્સ માટે વધુ એક ધમાકેદાર સમાચાર સામે આવ્યા છે. 'એવેન્જર્સ ડૂમ્સડે'ના ટ્રેલર બાદ હવે માર્વેલે તેની મોસ્ટ અવેટેડ સુપરહીરો ફિલ્મ 'સ્પાઈડરમેન: બ્રાન્ડ ન્યૂ ડે' (Spiderman: Brand New Day) નું ફાઈનલ ટ્રેલર પણ રિલીઝ કરી દીધું છે. ફિલ્મ રિલીઝ થવાના હવે ગણતરીના દિવસો જ બાકી છે ત્યારે આ નવું ટ્રેલર સ્ટોરી કરતાં વધુ પિટર પાર્કરની બેક-સ્ટોરી અને તેની ભાવનાત્મક સફર પર ધ્યાન કેન્દ્રિત કરે છે.

પિટર પાર્કરની ભૂતકાળની સફર અને ગુમાવેલો પ્રેમ

નવા ટ્રેલરમાં પિટર પાર્કરની જૂની જર્ની બતાવવામાં આવી છે – કેવી રીતે તે શાળામાં પોતાની સાચી ઓળખ છુપાવતો હતો, પરંતુ તેના ખાસ મિત્ર નેડ (Ned) ને તેનો ભેદ ખબર પડી જાય છે. ત્યારબાદ તેને તેના જ સ્કૂલની છોકરી એમજે (MJ) સાથે પ્રેમ થાય છે અને તે પણ પિટરના સ્પાઈડરમેન હોવાના રહસ્યને જાણી લે છે.

પરંતુ એક ભૂલને કારણે મલ્ટિવર્સમાંથી અલગ-અલગ વિલન પિટરની શોધમાં આવી પહોંચે છે. અંતે, દુનિયાને બચાવવા માટે પિટરે એવો રસ્તો પસંદ કરવો પડે છે જેમાં આખી દુનિયા પિટર પાર્કર નામના વ્યક્તિને ભૂલી જાય. આ ફિલ્મની વાર્તા એ જ પિટરથી શરૂ થાય છે, જેને હવે કોઈ ઓળખતું નથી અને તે પોતાની નવી સફર શરૂ કરી રહ્યો છે.

નવા પડકારો અને ડો. બેનર (હલ્ક) સાથે ટક્કર

ભારતમાં ક્યારે રિલીઝ થશે આ ફિલ્મ?

આ ફિલ્મ MCU માટે અત્યંત મહત્ત્વપૂર્ણ છે, કારણ કે તેની વાર્તા આગળ જઈને 'એવેન્જર્સ: ડૂમ્સડે' (Avengers: Doomsday) સાથે સીધી રીતે જોડાવાની છે. પિટર પાર્કર તે ફિલ્મમાં પણ મુખ્ય ભૂમિકામાં જોવા મળશે.

• ગ્લોબલ રિલીઝ ડેટ: ૩૧ જુલાઈ

• ભારતમાં રિલીઝ ડેટ: ૩૦ જુલાઈ (ખાસ એક દિવસ વહેલી)

આ ટ્રેલર ઈમોશન્સ અને સુપરહીરો એક્શનનું અદ્ભુત મિશ્રણ છે, જે ફેન્સને ચોક્કસપણે ભાવુક કરી દેશે.