શાહરૂખ ખાન બન્યા દેશના સૌથી મોંઘા સ્ટાર, રણવીર સિંહ બીજા ક્રમે; વિરાટ કોહલીને પછડાટ આપી

બોલિવૂડના કિંગ ખાન એટલે કે શાહરૂખ ખાન એકવાર ફરી દેશના સૌથી વધુ બ્રાન્ડ વેલ્યુ ધરાવતા સ્ટાર બની ગયા છે. બે સુપરહિટ ફિલ્મોની સફળતા અને બ્રાન્ડ એન્ડોર્સમેન્ટ્સના વધતા પોર્ટફોલિયોને કારણે શાહરૂખ ખાને ભારતના સૌથી મોંઘા સેલિબ્રિટી તરીકે ટોચનું સ્થાન પ્રાપ્ત કર્યું છે. આ નવી યાદીમાં ઘણા મોટા ફેરફારો જોવા મળ્યા છે.

વિરાટ કોહલીને પછડાટ આપી રણવીર સિંહ બીજા ક્રમે

ગયા વર્ષે ત્રીજા ક્રમે રહેલા શાહરૂખ ખાને આ વર્ષે છલાંગ લગાવીને પહેલું સ્થાન મેળવ્યું છે. 'જવાન' અને 'પઠાણ' જેવી બ્લોકબસ્ટર ફિલ્મો બાદ એડવર્ટાઇઝિંગ વર્લ્ડમાં તેમની માંગમાં મોટો ઉછાળો આવ્યો છે અને તેમની બ્રાન્ડ્સની સંખ્યા ૨૮ થી વધીને ૩૬ થઈ ગઈ છે.

બીજી તરફ, 'ધુરંધર' સ્ટાર રણવીર સિંહ $૧૬૨.૯ મિલિયન (ડોલર) ની બ્રાન્ડ વેલ્યુ સાથે ક્રિકેટર વિરાટ કોહલીને પાછળ છોડીને બીજા સ્થાને પહોંચી ગયા છે. ગયા વર્ષે નંબર વન પર રહેલા વિરાટ કોહલી $૧૫૮.૪ મિલિયનની બ્રાન્ડ વેલ્યુ સાથે હવે ત્રીજા સ્થાને સરી પડ્યા છે.

આલિયા છઠ્ઠા અને દીપિકા સાતમા સ્થાને

આ લિસ્ટમાં અભિનેત્રી આલિયા ભટ્ટ $૯૩.૯ મિલિયનની બ્રાન્ડ વેલ્યુ સાથે છઠ્ઠા સ્થાને છે, જ્યારે દીપિકા પાદુકોણ $૮૯.૨ મિલિયન સાથે સાતમા સ્થાને રહી છે. $૯૯.૯ મિલિયનની બ્રાન્ડ વેલ્યુ સાથે રિતિક રોશન આઠમા ક્રમે આવે છે.

ટોપ ૧૦ માં અમિતાભ અને અક્ષય કુમાર

બોલિવૂડના મહાનાયક અમિતાભ બચ્ચન $૮૦.૮ મિલિયનની બ્રાન્ડ વેલ્યુ સાથે નવમા ક્રમે છે, જ્યારે ખિલાડી અક્ષય કુમાર $૮૦ મિલિયનની બ્રાન્ડ વેલ્યુ સાથે દસમા સ્થાને રહ્યા છે.