Entertainment: મોડી રાત્રે 1.40 વાગ્યે સંજય દત્તને યાદ કરી સલમાન ખાન થયો ભાવુક, ગળે લગાવી કહ્યું- 'અલ્લાહ અને ભગવાન આ માણસને ખુશ રાખે'

બોલીવુડ સુપરસ્ટાર સલમાન ખાન તાજેતરમાં જ પોતાના ખાસ મિત્ર અને મોટા ભાઈ સમાન સંજય દત્તને મળ્યો હતો. આ મુલાકાત ખૂબ જ ભાવુક ક્ષણ બની રહી હતી. સંજય દત્તના ૬૭મા જન્મદિવસે અને તેની મુલાકાત બાદ, સલમાન ખાને મોડી રાત્રે ૧:૪૦ વાગ્યે સોશિયલ મીડિયા પર બે તસવીરો શેર કરી સંજુ બાબા પર પોતાનો પ્રેમ વરસાવ્યો હતો.

મોડી રાત્રે સલમાન ખાને શેર કરી ભાવુક પોસ્ટ

૬૦ વર્ષીય સલમાન ખાને સંજય દત્તને ભેટી પડતી પોતાની તસવીરો શેર કરતા લખ્યું, "બાબા, ફોરેવર બાબા અને બાબા, બાબા હોતા હૈ. સંજુ બાબા છે આપણા બધાના બાબા અને સંજુ બાબા હવે પોતાના બાળકોના બાબા, મારો મોટો ભાઈ સંજય દત્ત. અલ્લાહ, ભગવાન અને ઈશુ આ માણસને સદા ખુશ રાખે, આઈ લવ યુ બાબા."

ફેન્સે લૂંટાવ્યો પ્રેમ અને દોસ્તીના કર્યા વખાણ

સલમાન ખાનની આ ભાવુક પોસ્ટ પર ફેન્સ સતત કોમેન્ટ્સ કરી રહ્યા છે અને બંનેની દોસ્તીની પ્રશંસા કરી રહ્યા છે. ફેન્સે લખ્યું કે, "આજના સમયમાં આવી સાચી દોસ્તી મળવી ખૂબ જ મુશ્કેલ છે. બોલીવુડમાં સંબંધો દર શુક્રવારે બદલાય છે, પરંતુ સલમાન ભાઈ અને સંજુ બાબાનો આ ભાઈચારો દશકો જૂનો અને અસલી છે."

સલમાન-સંજયની આઈકોનિક જોડી

સલમાન ખાન અને સંજય દત્તની દોસ્તી દશકો જૂની છે. બંનેએ 'સાજન', 'ચલ મેરે ભાઈ' અને 'યે હૈ જલવા' જેવી બ્લોકબસ્ટર ફિલ્મોમાં સાથે કામ કર્યું છે. રિલ લાઈફ સિવાય રિયલ લાઈફમાં પણ બંને દરેક સુખ-દુઃખમાં એકબીજાની સાથે ઊભા રહ્યા છે. ફેન્સ હવે આ આઈકોનિક જોડીને ફરી એકવાર મોટા પડદા પર જોવા માટે આતુર છે.