Entertainment: પ્રિયંકા ચોપરાના જન્મદિવસે નિક જોનાસે લુટાવ્યો પ્રેમ, રોમેન્ટિક અંદાજમાં પાઠવી શુભેચ્છા; 'દેશી ગર્લ' એ આપી ફ્લાઈંગ કિસ

ગ્લોબલ આઇકોન પ્રિયંકા ચોપરાએ ૧૮ જુલાઈ ના રોજ પોતાનો ૪૪મો જન્મદિવસ સેલિબ્રેટ કર્યો હતો. આ ખાસ અવસરે તેના પતિ અને પૉપ સિંગર નિક જોનાસે (Nick Jonas) સોશિયલ મીડિયા પર એક અત્યંત રોમેન્ટિક પોસ્ટ શેર કરીને પોતાની લેડી લવને ગ્રાન્ડ અંદાજમાં વિશ કર્યું છે. નિકે સ્પેનમાં યોજાયેલા એક યાટ હોલિડે (Yacht Holiday) નો ક્યૂટ વીડિયો શેર કર્યો છે, જેમાં પ્રિયંકા ફિલ્મી લાઈમલાઈટથી દૂર વેકેશન એન્જોય કરતી જોવા મળી રહી છે.

પ્રિયંકાએ નિકને આપી ક્યૂટ ફ્લાઈંગ કિસ

વાયરલ થઈ રહેલા આ વીડિયોની શરૂઆત સમુદ્રના સુંદર નજારાથી થાય છે અને ત્યારબાદ કેમેરા પ્રિયંકા ચોપરા (Priyanka Chopra) તરફ ફરે છે. યાટ પર બિકીની, સનગ્લાસ અને હેડ બંધાના પહેરેલી પ્રિયંકા ખૂબ જ રિલેક્સ મૂડમાં કેમેરા સામે પોઝ આપી રહી છે. વીડિયોમાં તે નિક જોનાસ તરફ જોઈને સ્માઈલ આપે છે અને ક્યૂટ ફ્લાઈંગ કિસ પણ આપતી જોવા મળે છે.

નિક જોનાસનો રોમેન્ટિક મેસેજ: નિકે વાઈફ પ્રિયંકા માટે સ્પેનિશ ભાષામાં કેપ્શન લખ્યું હતું: '¡Feliz cumpleaños! Mi amor,' જેનો અર્થ થાય છે - 'હેપ્પી બર્થડે, માય લવ'. આ સાથે તેણે એક રેડ હાર્ટ ઈમોજી પણ જોડ્યું હતું.

કેવી રીતે શરૂ થઈ હતી નિક-પ્રિયંકાની લવ સ્ટોરી?

તાજેતરમાં જ 'જોનાસ બ્રધર્સ' ના એક પોડકાસ્ટ દરમિયાન આ કપલે પોતાની લવ સ્ટોરીની શરૂઆત વિશે રસપ્રદ ખુલાસા કર્યા હતા:

• પ્રથમ મેસેજ: નિકના ભાઈ કેવિન જોનાસે તેને પ્રિયંકાની સુપરહિટ સીરિઝ 'ક્વાન્ટિકો' વિશે જણાવ્યું હતું. ત્યારબાદ નિકે વર્ષ ૨૦૧૬માં પ્રિયંકાને ટ્વિટર (હવે X) પર ડાયરેક્ટ મેસેજ કર્યો હતો કે, "હેલો, મેં કેટલાક લોકો પાસેથી સાંભળ્યું છે કે આપણે મળવું જોઈએ. હું પણ તેમની વાત સાથે સહમત છું."

• પ્રિયંકાનો સ્માર્ટ જવાબ: પ્રિયંકાએ આ મેસેજનો જવાબ આપતા લખ્યું હતું કે, "હાય, ચાલો આપણે પર્સનલ ટેક્સ્ટ પર વાત કરીએ, કારણ કે મારી ટીમ આ એકાઉન્ટ જોઈ શકે છે અને ત્યાં વધુ પ્રાઈવસી રહેશે."

ઉદયપુરમાં લીધા હતા સાત ફેરા

પ્રિયંકા ચોપરાનો અપકમિંગ વર્કફ્રન્ટ

પ્રિયંકા ચોપરા લાંબા સમય બાદ ભારતીય સિનેમામાં ધમાકેદાર વાપસી કરવા જઈ રહી છે. તે એસ.એસ. રાજામૌલીની આગામી ભવ્ય ફિલ્મ 'વારાણસી' (Varanasi) માં મહત્વની ભૂમિકા ભજવશે. આ ફિલ્મમાં સાઉથ સુપરસ્ટાર મહેશ બાબુ 'રૂદ્ર' અને પૃથ્વીરાજ સુકુમારન 'કુંભ' ના રોલમાં જોવા મળશે, જ્યારે પ્રિયંકા 'મંદાકિની' નું પાત્ર ભજવી રહી છે. આ મેગા બજેટ ફિલ્મ એપ્રિલ ૨૦૨૭ માં સિનેમાઘરોમાં રિલીઝ થવાની જાહેરાત કરાઈ છે.