Entertainment: Yashasvi Jaiswal સાથે ડેટિંગના અહેવાલો પર આવ્યું મૃણાલ ઠાકુરનું રિએક્શન, કહ્યું- 'Gen-Z પાસેથી કંઈક શીખો'

મૃણાલ ઠાકુર બોલિવૂડની એક્ટ્રેસિસમાંથી એક છે, જે પોતાની પ્રોફેશનલ લાઈફની સાથે સાથે પર્સનલ લાઈફને લઈને પણ ખૂબ ચર્ચામાં રહે છે. તાજેતરમાં ભારતીય ક્રિકેટર યશસ્વી જેસવાલ (Yashasvi Jaiswal) સાથે તેના ડેટિંગના અહેવાલો વાયરલ થયા હતા. હવે આ અહેવાલો પર મૃણાલ ઠાકુરે પોતાની પ્રતિક્રિયા આપી છે અને સ્પષ્ટ કર્યું છે કે શું તેઓ ખરેખર એકબીજાને ડેટ કરી રહ્યા છે કે નહીં.

મૃણાલ ઠાકુરનું રિએક્શન

મુંબઈની એક રેસ્ટોરન્ટમાં ક્રિકેટર યશસ્વી જેસવાલ સાથે જોવામાં આવ્યા બાદ મૃણાલ ઠાકુરના રિલેશનશિપની ચર્ચાઓ શરૂ થઈ હતી. દાવો કરવામાં આવી રહ્યો હતો કે તે પોતાનાથી ઉંમરમાં લગભગ ૧૦ વર્ષ નાના યશસ્વીને ડેટ કરી રહી છે. જોકે, મૃણાલે આ અફવાઓ પર ચૂપ રહેવાને બદલે જડબાતોડ જવાબ આપ્યો હતો.

તેણે ઈન્સ્ટાગ્રામ પર આ અંગે વિડીયો પર કોમેન્ટ કરતા લખ્યું, "ભાઈ શાંતિ રાખો.. મને બતાવો અમે સાથે ક્યાં છીએ? કેવી રીતે યાર, તમે આટલા ભણેલા-ગણેલા લોકો આવી અફવાઓને સાચી માનવા લાગો છો? દેશમાં શું નથી થઈ રહ્યું. ગમે તે મુદ્દાઓ બનાવવાના બદલે Gen-Z પાસેથી કંઈક શીખો અને સાચા મુદ્દાઓ પર વિડીયો બનાવો, વધારે વ્યુઝ મળશે."

જોકે, બાદમાં મૃણાલે આ વિડીયો પરથી પોતાની કોમેન્ટ હટાવી દીધી હતી. ઉલ્લેખનીય છે કે આ પહેલા મૃણાલનું નામ સાઉથ એક્ટર ધનુષ સાથે પણ જોડવામાં આવ્યું હતું.

મૃણાલની આગામી ફિલ્મો

અભિનેત્રી તરીકે મૃણાલ ઠાકુરની છેલ્લી કેટલીક ફિલ્મો 'હૈ જવાની તો ઈશ્ક હોના હૈ', 'ડકેત', 'દો દિવાને શહેર મેં' અને 'સન ઓફ સરદાર ૨' બોક્સ ઓફિસ પર ખાસ કમાલ કરી શકી નથી. તેની આગામી ફિલ્મ 'રાકા' છે, જેમાં તે સાઉથ સુપરસ્ટાર અલ્લુ અર્જુન સાથે કામ કરતી જોવા મળશે.