Entertainment: 'બિગ બોસ OTT' ફેમ જીયા શંકરે કરી સગાઈ, મંગેતર સાથે રોમેન્ટિક તસવીરો શેર કરી લખી ખાસ નોટ

'બિગ બોસ OTT 2' થી ઘર-ઘરમાં જાણીતી થયેલી અભિનેત્રી જીયા શંકરે (Jiya Shankar) આખરે સગાઈ કરી લીધી છે. સોશિયલ મીડિયા પર પોતાના મંગેતર 'કરણ' સાથે રોમેન્ટિક તસવીરો શેર કરતા તેણે એક ખાસ અને ભાવુક કેપ્શન લખ્યું છે. આ સાથે જ જીયાએ જણાવ્યું હતું કે કરણ સાથેનો તેનો સંબંધ તેના માટે કેમ આટલો ખાસ છે.

રોમેન્ટિક આઉટડોર પ્રોપોઝલ અને ડાયમંડ રિંગ

કરણે સૂર્યાસ્ત (સનસેટ) ના સમયે એક ડ્રીમી આઉટડોર સેટિંગમાં જીયાને પ્રોપોઝ કર્યું હતું. જીયાએ પોતાના એન્ગેજમેન્ટની ઝલક ફેન્સ સાથે શેર કરી છે, જેમાં તે પોતાની ડાયમંડ એન્ગેજમેન્ટ રિંગ ફ્લોન્ટ કરતી જોવા મળે છે. તસવીરોમાં આ કપલ એકબીજા પર પ્રેમ વરસાવતું નજરે પડે છે. આ ખાસ પ્રસંગે જીયાએ પેસ્ટલ યલો કલરનું સાટિન ગાઉન પહેર્યું હતું, જ્યારે કરણે બેજ શર્ટ અને વ્હાઈટ ટ્રાઉઝર પહેર્યું હતું.

'કરણે મને ઘર જેવો અહેસાસ કરાવ્યો'

મંગેતર કરણ માટે પ્રેમ વ્યક્ત કરતા જીયાએ લખ્યું કે, "કદાચ એ સાચું છે કે પ્રેમ ત્યારે જ મળે છે જ્યારે તમને તેની સૌથી ઓછી અપેક્ષા હોય. આ પ્રવાસ આસાન નહોતો, પણ ભગવાને ખરેખર મારી ધીરજની પરીક્ષા લીધી. તારી સાથે થયેલી દરેક વાતચીતે, તું હજારો માઇલ દૂર હોવા છતાં, મને ઘર જેવો અહેસાસ કરાવ્યો છે."

તેણે વધુમાં લખ્યું કે, "આપણે દુનિયામાં ગમે ત્યાં હોઈએ, ઘર ક્યારેય કોઈ જગ્યા નહોતી, ઘર હંમેશા તું જ હતો. તું મને એવો પ્રેમ આપ્યો જેની હું જિંદગીભર રાહ જોતી હતી."

અફવાઓ પર વિરામ

નોંધનીય છે કે આ પહેલા અફવાઓ ઉડી હતી કે જીયા શંકર 'બિગ બોસ OTT 2' ના પોતાના સહ-સ્પર્ધક અભિષેક મલ્હાનને ડેટ કરી રહી છે. જોકે, જીયાએ બાદમાં એક અજ્ઞાત વ્યક્તિ સાથે સોશિયલ મીડિયા પર રોમેન્ટિક તસવીર પોસ્ટ કરીને આ તમામ અટકળો પર વિરામ મૂકી દીધો હતો અને સ્પષ્ટ કર્યું હતું કે તે અન્ય કોઈને ડેટ કરી રહી છે.