Entertainment: ઈમરાન હાશ્મીને મળી 10 ગણી વધુ ફી, શબાના આઝમી કરતાં દિશા પાટનીનું પેમેન્ટ વધારે

બોલિવૂડ એક્ટર ઈમરાન હાશ્મી હાલમાં પોતાની બહુપ્રતિક્ષિત ફિલ્મ 'આવારાપન ૨' (Awarapan 2) ને લઈને ભારે ચર્ચામાં છે. ૧૪ ઓગસ્ટે થિયેટર્સમાં રિલીઝ થવા જઈ રહેલી આ ફિલ્મનું ટ્રેલર તાજેતરમાં જ રિલીઝ થયું હતું, જેમાં ઈમરાન ૧૯ વર્ષ પછી ફરી એકવાર 'શિવમ પંડિત'ના દમદાર અને ઘાયલ અવતારમાં વાપસી કરી રહ્યો છે. આ દરમિયાન ફિલ્મની સ્ટારકાસ્ટની ફી અંગે ચોંકાવનારી વિગતો સામે આવી છે.

નિતિન કક્કડના નિર્દેશનમાં બનેલી 'આવારાપન-2' માં ઈમરાન હાશ્મી ઉપરાંત દિશા પાટની, શબાના આઝમી, સુવિન્દર વિક્કી, અક્ષય ઓબેરોય અને અતુલ કુમાર મહત્વની ભૂમિકામાં છે.

ઈમરાન હાશ્મીને મળી ૧૦ ગણી વધુ ફી

રિપોર્ટ્સ અનુસાર, ઈમરાન હાશ્મી આ ફિલ્મનો સૌથી વધુ ફી લેનાર કલાકાર બન્યો છે. તેને 'આવારાપન ૨' માટે મૂળ ફિલ્મ સરખામણીએ ૧૦ ગણી વધુ એટલે કે ₹૧૨ કરોડ ફી મળી છે. ઉલ્લેખનીય છે કે ૨૦૦૭ માં આવેલી મૂળ 'આવારાપન' માટે ઈમરાનને ₹૧.૨ થી ૧.૫ કરોડ મળ્યા હતા.

દિશા પાટની અને શબાના આઝમીની ફી

ફિલ્મમાં મુખ્ય અભિનેત્રી તરીકે નજરે પડતી દિશા પાટનીને આ રોલ માટે ₹૫ કરોડ ફી આપવામાં આવી છે. બીજી તરફ, ફિલ્મમાં નેગેટિવ (વિલન) રોલમાં જોવા મળતી દિગ્ગજ અભિનેત્રી શબાના આઝમીને ₹૨ થી ₹૫ કરોડની વચ્ચે ફી મળી છે.

૨૦૦૭ ની 'કલ્ટ' ક્લાસિક ફિલ્મનો સીક્વલ

વર્ષ ૨૦૦૭ માં રિલીઝ થયેલી 'આવારાપન' તે સમયે બોક્સ ઓફિસ પર ખાસ કમાણી કરી શકી નહોતી, પરંતુ સમય જતાં તે હિન્દી સિનેમાની કલ્ટ ક્લાસિક ફિલ્મોમાં સામેલ થઈ ગઈ. ઈમરાન હાશ્મીની કરિયરની આ સૌથી મહત્વપૂર્ણ ફિલ્મ માનવામાં આવે છે. ₹૨૫ થી ૩૦ કરોડના બજેટમાં બનેલી 'આવારાપન ૨' માં શિવમ પંડિત બદલો લેવા માટે પાછો ફરી રહ્યો છે.