Entertainment: આવારાપન-2ના સ્ટારકાસ્ટની ફી આવી સામે, કેટલા કરોડમાં માન્યા ઈમરાન હાશ્મી? ચોંકાવી દેશે આંકડો

ઈમરાન હાશ્મીએ પોતાની કારકિર્દીમાં અનેક યાદગાર પાત્રો ભજવ્યા છે, જેને ફેન્સ આજે પણ ભૂલી શક્યા નથી. પરંતુ જ્યારે પણ તેમના સૌથી આઈકોનિક રોલની વાત થાય છે, ત્યારે 'આવારાપન' ફિલ્મના શિવમનું નામ સૌથી ઉપર આવે છે. ભલે આ ફિલ્મ તે સમયે બોક્સ ઓફિસ પર ખાસ કમાલ ન કરી શકી હોય, પરંતુ સમય જતાં તે કલ્ટ-ક્લાસિક સાબિત થઈ. હવે આ બહુચર્ચિત ફિલ્મની સીક્વલ 'આવારાપન ૨' રિલીઝ માટે તૈયાર છે.

'આવારાપન ૨' માટે સ્ટારકાસ્ટે લીધી મસમોટી ફી

ઈમરાન હાશ્મી ફરી એકવાર શિવમના મુખ્ય રોલમાં વાપસી કરી રહ્યા છે. આ વખતે તેમની સાથે દિશા પાટની અને શબાના આઝમી મુખ્ય ભૂમિકામાં જોવા મળશે, જ્યારે વિલન તરીકે પૂરન ગબ્બી, સુવિંદર વિક્કી અને વિજયંત કોહલી જેવા કલાકારો નજરે પડશે.

અહેવાલો અનુસાર, પોતાની આ આઈકોનિક સીક્વલ ફિલ્મ માટે ઈમરાન હાશ્મીએ કરોડો રૂપિયાની મસમોટી ફી લીધી છે. મીડિયા રિપોર્ટ્સ મુજબ, ઈમરાનને 'આવારાપન ૨' માટે આશરે ₹૧૨ કરોડ ચૂકવવામાં આવ્યા છે, જે ૧૯ વર્ષ પહેલાં આવેલી મૂળ ફિલ્મની ફી કરતાં ૧૦ ગણી વધુ હોવાનું કહેવાય છે.

બીજી તરફ, ફિલ્મની લીડ એક્ટ્રેસ દિશા પાટનીને ₹૫ કરોડ ફી મળી હોવાના અહેવાલ છે. જ્યારે મહત્વના રોલમાં નજરે પડનાર દિગ્ગજ એક્ટ્રેસ શબાના આઝમીને ₹૨ થી ₹૫ કરોડ વચ્ચેની ફી આપવામાં આવી છે. આ સમગ્ર ફિલ્મનું બજેટ ₹૨૫ થી ₹૩૦ કરોડ હોવાનું કહેવાઈ રહ્યું છે, જોકે મેકર્સ દ્વારા આ આંકડાઓની સત્તાવાર પુષ્ટિ કરવામાં આવી નથી.

બોક્સ ઓફિસ પર કેવી છે ફિલ્મની હાઈપ?

ઈમરાન હાશ્મીની આ સીક્વલ ફિલ્મ માટે સોશિયલ મીડિયા અને દર્શકોમાં હાઈપ ધારણા કરતાં થોડી ઓછી જોવા મળી રહી છે. ફિલ્મના ટીઝર, ટ્રેલર અને મ્યુઝિકને દર્શકો તરફથી મિશ્ર પ્રતિસાદ મળ્યો છે. જે જાદુ પ્રથમ પાર્ટમાં હતો તે સીક્વલમાં કેટલો જોવા મળશે અને ફિલ્મ ઓપનિંગ ડે પર કેવો બિઝનેસ કરશે, તે જોવું રસપ્રદ રહેશે.