Entertainment: ‘જો ડર ગયા, વો મર ગયા’, સલમાન ખાને વહેલી સવારે 3 વાગ્યે કરી પોસ્ટ, જિમમાંથી મસ્ક્યુલર બોડી બતાવી

બોલિવૂડના 'ભાઈજાન' સલમાન ખાને પોતાની લેટેસ્ટ જિમ તસવીરો શેર કરીને સોશિયલ મીડિયા પર ફરી એકવાર ખળભળાટ મચાવી દીધો છે. શનિવારે વહેલી સવારે આશરે ૩ વાગ્યે શર્ટલેસ થઈને વર્કઆઉટ પછીની તસવીરો શેર કરતાં સલમાને પોતાના મસ્ક્યુલર એપ્સ અને બાઈસેપ્સ ફ્લોન્ટ કર્યા છે. જોકે, બોડી કરતાં પણ વધુ ચર્ચા આ તસવીરો સાથે લખેલા તેમના ક્રિપ્ટિક કેપ્શનની થઈ રહી છે, જેને ટ્રોલર્સ અને વિવેચકો માટે કડક જવાબ માનવામાં આવી રહ્યો છે.

શોલે ફિલ્મનો ડાયલોગ કર્યો શેર

પોતાની વર્કઆઉટ વિથ ફિટનેસ બોડી વાળી તસવીરો શેર કરતા સલમાન ખાને લખ્યું, "સલમાન ખાન ડરી ગયો... હંઅઅઅ, જો ડર ગયા, વો મર ગયા."

ઉલ્લેખનીય છે કે, 'જો ડર ગયા, વો મર ગયા' એ ૧૯૭૫ની પ્રખ્યાત ફિલ્મ 'શોલે'નો આઈકોનિક ડાયલોગ છે, જે સલમાન ખાનના પિતા સલીમ ખાન અને જાવેદ અખ્તર (સલીમ-જાવેદ)ની જોડીએ લખ્યો હતો.

ટ્રોલિંગનો સણસણતો જવાબ?

હાલમાં જ દેશમાં ચાલી રહેલા સ્ટુડન્ટ્સ પ્રોટેસ્ટ અને CJP પ્રોટેસ્ટ તેમજ સોનમ વાંગચુકના ઉપવાસને લઈને સલમાન ખાને ટ્વિટ કર્યું હતું. સલમાને સોનમ વાંગચુકને અનશન તોડવાની અપીલ કરતા લખ્યું હતું કે, "સોનમ, થઈ ગયું બ્રો, હવે આને વધારે ન ખેંચો."

આ ટ્વિટ બાદ કેટલાક લોકોએ સોશિયલ મીડિયા પર સલમાન ખાનને ટ્રોલ કરવાનું શરૂ કર્યું હતું અને દાવો કર્યો હતો કે સલમાન 'ડરી ગયો છે'. આ જ કારણસર વહેલી સવારે જીમમાંથી તસવીરો મૂકીને તેમણે ટ્રોલ કરનારાઓને જડબાતોડ જવાબ આપ્યો હોવાનું માનવામાં આવે છે.

આગામી પ્રોજેક્ટ્સ

સલમાન ખાનના વર્કફ્રન્ટની વાત કરીએ તો, તેઓ ભારતના સૌથી ચર્ચિત રિયાલિટી શો 'બિગ બોસ ૨૦'ના હોસ્ટ તરીકે વાપસી કરવા માટે સજ્જ છે. આ સિવાય ચાહકો તેમની ફિલ્મ 'માતૃભૂમિ: મે વોર રેસ્ટ ઈન પીસ'ની રિલીઝની આતુરતાથી રાહ જોઈ રહ્યા છે. હાલમાં તેઓ ડિરેક્ટર વામશી પેઈડીપલ્લીની એક એક્શન-ડ્રામા ફિલ્મ પર કામ કરી રહ્યા છે, જેમાં તેમની સાથે સાઉથ લેડી સુપરસ્ટાર નયનતારા જોવા મળશે.