Entertainment: કરણ કુંદ્રાએ ગર્લફ્રેન્ડ તેજસ્વી પ્રકાશને દરિયાની અંદર કર્યું પ્રોપોઝ, સ્કૂબા ડાઇવિંગનો રોમેન્ટિક વીડિયો વાયરલ

ટીવીના મોસ્ટ ફેવરિટ અને ક્યૂટ કપલ કરણ કુંદ્રા અને તેજસ્વી પ્રકાશ (Tejran) એ ફરી એકવાર પોતાના રોમેન્ટિક અંદાજથી ફેન્સના દિલ જીતી લીધા છે. હાલમાં જ મોરિશિયસમાં વેકેશન એન્જોય કરી રહેલા આ કપલે દરિયાની અંદર સ્કૂબા ડાઇવિંગ કરતી વખતે એક એવો યાદગાર પળ વિતાવ્યો, જેનો વીડિયો સોશિયલ મીડિયા પર ઝડપથી વાયરલ થઈ રહ્યો છે.

દરિયાની અંદર 'હાર્ટ' સાઇન અને એક ઘૂંટણ પર બેસીને પ્રોપોઝ

કરણે પોતાના મોરિશિયસ ટ્રાવેલ વ્લોગમાં આ રોમેન્ટિક ક્ષણો શેર કરી છે. સ્કૂબા ડાઇવિંગ દરમિયાન પાણીની અંદર કરણ અને તેજસ્વીએ પહેલા હાથથી હાર્ટ (દિલ) નો આકાર બનાવીને પ્રેમ વ્યક્ત કર્યો હતો. ત્યારબાદ કરણે પાણીની અંદર જ એક ઘૂંટણ પર બેસીને તેજસ્વીને રોમેન્ટિક અંદાજમાં પ્રોપોઝ કર્યું હતું.

પાણીની અંદર બોલ્યા વગર જ કરણે ઈશારામાં 'આઈ લવ યુ' કહ્યું અને તેજસ્વીએ પણ હસતા મુખે તેનો પ્રતિસાદ આપ્યો હતો. ફેન્સ આ અંડરવોટર પ્રપોઝલને કોઈ ફેરીટેલ જેવું ગણાવી રહ્યા છે.

'બિગ બોસ ૧૫' થી શરૂ થઈ હતી લવ સ્ટોરી

કરણ અને તેજસ્વીની પ્રેમ કહાની 'બિગ બોસ ૧૫' ના ઘરથી શરૂ થઈ હતી. શો દરમિયાન એકબીજાના પ્રેમમાં પડેલા આ કપલને દર્શકો તરફથી ખૂબ જ પ્રેમ મળી રહ્યો છે. ફેન્સ તેમની કેમિસ્ટ્રી અને સુંદર બોન્ડિંગના સતત વખાણ કરતા રહે છે.

'દેશી બ્લિંગ'માં આપી હતી ડાયમંડ રિંગ

ઉલ્લેખનીય છે કે, આ વર્ષની શરૂઆતમાં જ કરણે રિયાલિટી શો 'દેશી બ્લિંગ'માં તેજસ્વીને ડાયમંડ રિંગ પહેરાવીને ઓફિશિયલી પ્રોપોઝ કર્યું હતું અને પોતાના સંબંધને એક કદમ આગળ વધાર્યો હતો. હવે મોરિશિયસ વેકેશનનો આ અંડરવોટર રોમાન્સ તેમના રિલેશનશિપનો વધુ એક યાદગાર કિસ્સો બની ગયો છે.