Entertainment: 'પત્ની સાથે વર્ષોથી નથી ઊંઘ્યો એક્ટર, નાની ઉંમરની છોકરીઓ સાથે સંબંધ', જાસૂસ તાન્યા પુરીએ કર્યો ધડાકો

ફિલ્મો અને બોલિવૂડ કલાકારોની દુનિયા દૂરથી જેટલી ગ્લેમરસ અને પરફેક્ટ દેખાય છે, અંદરથી તેટલી જ અંધકારમય અને ચોંકાવનારી હોય છે. પ્રાઇવેટ ડિટેક્ટિવ તાન્યા પુરીએ તાજેતરમાં એક પોડકાસ્ટમાં બોલિવૂડ સ્ટાર્સ વિશે એવા ચોંકાવનારા ખુલાસા કર્યા છે, જેણે સોશિયલ મીડિયા પર ખળભળાટ મચાવી દીધો છે. તાન્યા ટૂંક સમયમાં કરણ જોહરના શો 'ધ ટ્રેટર્સ ૨' માં જોવા મળવાની છે.

'ગ્રીન ફ્લેગ' ઈમેજ ધરાવતા એક્ટરનું કાળું સત્ય

જાહરા જાનીના પોડકાસ્ટમાં તાન્યા પુરીએ એક એવા લોકપ્રિય બોલિવૂડ એક્ટર વિશે ખુલાસો કર્યો, જેને સાર્વજનિક રીતે 'ગ્રીન ફ્લેગ' અથવા આદર્શ પતિ-પિતા માનવામાં આવે છે. તાન્યાએ જણાવ્યું કે, "જે એક્ટરને લોકો પિક્ચર પરફેક્ટ ફેમિલી મેન સમજે છે, તેની પત્ની સત્ય જાણવા માટે અમારી ડિટેક્ટિવ એજન્સી પાસે આવી હતી."

તપાસ દરમિયાન સામે આવ્યું કે તે એક્ટર એક જાણીતી ફિલ્મ ફ્રેન્ચાઈઝીમાં કામ કરે છે અને પોતાની ઉંમરથી અડધી ઉંમરની નાની છોકરીઓ સાથે તેના સંબંધો છે.

પત્ની સાથે નથી કોઈ સંબંધ

તાન્યાએ વધુમાં જણાવ્યું કે આ એક્ટર અને તેની પત્ની વચ્ચે વાસ્તવિક જીવનમાં કોઈ તાલમેલ કે શારીરિક સંબંધ નથી. પત્નીએ જણાવ્યું હતું કે વર્ષોથી તેમની વચ્ચે કંઈ થયું નથી અને તેઓ એક જ રૂમમાં પણ ઊંઘતા નથી. બંને માત્ર પોતાના બાળકોની સંભાળ રાખવા માટે સાથે રહેવાનો ડોળ કરે છે.

નામ વગર સોશિયલ મીડિયા પર અટકળો શરૂ

ડિટેક્ટિવે આ પોડકાસ્ટમાં એક્ટરનું નામ જાહેર કર્યું નથી, પરંતુ તેમણે ઉમેર્યું કે સેલિબ્રિટીઝ માટે પોતાની ઈમેજ અને પબ્લિક સ્કૂટિનીના ડરથી લગ્ન તોડવા ખૂબ મુશ્કેલ હોય છે. આ ખુલાસા બાદ સોશિયલ મીડિયા પર લોકો આ અનામી એક્ટર વિશે અલગ-અલગ અટકળો લગાવી રહ્યા છે.