Entertainment: 'બિગ બોસ 20'નો ફર્સ્ટ લુક જાહેર; સલમાન ખાન સાથે આ પૂર્વ ક્રિકેટર બનશે હોસ્ટ!

ઓટીટી પ્લેટફોર્મ પર ભલે અનેક રિયાલિટી શો દર્શકોનું મનોરંજન કરી રહ્યા હોય, પરંતુ સુપરસ્ટાર સલમાન ખાનના મોસ્ટ પોપ્યુલર અને વિવાદાસ્પદ શો 'બિગ બોસ' (Bigg Boss) માટે દર્શકોમાં જે ક્રેઝ જોવા મળે છે તેની સરખામણી અન્ય કોઈ શો સાથે થઈ શકે નહીં.

૧૯ સફળ સિઝન પૂરી કર્યા બાદ હવે મેકર્સે અધિકૃત રીતે ટીવીના સૌથી મોટા રિયાલિટી શો 'બિગ બોસ સિઝન 20' (Bigg Boss Season 20) ની જાહેરાત કરી દીધી છે. ટીવી સ્ક્રીન પર પોતાના ૨ દાયકા (૨૦ વર્ષ) પૂરા કરવા જઈ રહેલા આ શોનો નવો 'આઈ લોગો' (Eye Logo) પણ મેકર્સે રિલીઝ કરી દીધો છે, જેને જોઈને ફેન્સનો ઉત્સાહ બેવડાઈ ગયો છે.

જિઓ-હોટસ્ટાર અને કલર્સ પર થશે સ્ટ્રીમ

શોના સત્તાવાર સોશિયલ મીડિયા હેન્ડલ પરથી બિગ બોસ ૨૦નો મલ્ટીકલર આઈ લોગો શેર કરતા લખવામાં આવ્યું કે, "૨ દાયકા પછી પણ... હજુ પણ સૌથી વધુ ધ્યાન ખેંચનારી બિગ બોસની આંખ! બિગ બોસ 20 ટૂંક સમયમાં આવી રહ્યું છે જિઓ-હોટસ્ટાર અને કલર્સ ટીવી પર."

મેકર્સે હજુ સુધી પ્રીમિયર ડેટ કે થીમ અંગે ખુલાસો કર્યો નથી, પરંતુ અહેવાલો મુજબ હિન્દી એડિશનની હોસ્ટિંગની કમાન ફરી એકવાર સલમાન ખાન જ સંભાળશે. આ વખતે હિન્દી, તમિલ, તેલુગુ, કન્નડ, મલયાલમ અને બંગાળી – એમ તમામ ૬ પ્રાદેશિક વર્ઝન એકસાથે સપ્ટેમ્બર ૨૦૨૬ માં પ્રીમિયર કરવામાં આવશે.

દિગ્ગજ હોસ્ટ્સની યાદી: પૂર્વ ભારતીય કેપ્ટન કરશે ડેબ્યૂ

રેકોર્ડબ્રેક વ્યુઅરશિપ બાદ મોટો નિર્ણય

મેકર્સ દ્વારા આટલા મોટાપાયે તૈયારી કરવાનો નિર્ણય ગત સિઝનની અભૂતપૂર્વ સફળતાને જોઈને લેવામાં આવ્યો છે. આંકડાઓ અનુસાર, વિતેલા વર્ષે તમામ ભાષાઓ મળીને બિગ બોસને ૫૦૦ મિલિયનથી વધુ વ્યુઅર્સ મળ્યા હતા અને શોને રેકોર્ડબ્રેક ૪૩૮ બિલિયન વ્યુઝ હાંસલ થયા હતા.